الشيرازية في دبي دار الحي ابريل2011

السلام عليكم بنات هذا تقرير سفرتي لدبي دار الحي ابريل 2011
طبعا الرغبة بالسفر لدبي كانت موجودة من زمان بس مالله كتبها الا بسنة 2011 واحب انوه بان السفرة هذي اهي الثانيه لدبي لان الاولي كانت سنة 1993 مع ابوي حبيبي عسي الله يطول بعمره :yaaaaaarb:.
نجي لليوم اللي عرفت فيه اني بسافر, كنت نايمة بامان الله اقصد مقيلة من بعد دوام مقرف حيث اني مدرسة الله لا يبلاكم , وكانت ايام مراجعات وتشطيب منهج ,المهم قومني زوجي حبيبي وهو ( يلوح) بالتذاكر بوجهي وكانت احلي نومة واحلي قومة :hjy5jewf:.
السفرة كانت بتاريخ 5-4-2011 يوم الثلاثاء والعودة اعتقد 10-4-2011 خمس ايام بس بصراحه اعتبرها 3 ايام لان يوم السفرة ويوم العودة مو محسوبين لان طيارتنا كانت الساعه 5 وشي المغرب.
ادري قرقت واجد بس احب لما اسوي تقرير يكون كامل من مجاميعه علي قولة اخواننا المصريين.
هذي طيارتنا .
[url=http://www.0zz0.com]http://www9.0zz0.com/2012/06/25/23/847808257.jpg[/url]
وهذي كتيبات وتعليمات حق حالات الطوارئ مع كيس حق الترجيع :cxxxp:.
[url=http://www.0zz0.com]http://www9.0zz0.com/2012/06/25/23/355265022.jpg[/url]
شاشتنا اللي توضح خط سير الرحله ولو تلاحظون تو الطيارة ما لفت وخذت طريج البحر وهذا الجزء المرعب في الرحله, لما نصير فوق البحر لان هذا يعني مطبات هوائية كثيرة :eh_s(2):
[url=http://www.0zz0.com]http://www9.0zz0.com/2012/06/25/23/441455807.jpg[/url]
سبحان ربي العظيم شوفو خلق ربي سبحانه, اهني لما صرنا خلاص فوق السحاب
[url=http://www.0zz0.com]http://www9.0zz0.com/2012/06/25/23/511026306.jpg[/url]
طبعا طيران الجزيرة معروف طيران اقتصادي وبالتالي مايقدم وجبات الا انه قبل سفرتنا بفترة بدأ يقدم وجبة خفيفه عبارة عن سندويتش دجاج او جبنة تشدر مع قلاص صغير بيبسي وحبة كتكات, وهذي صورة اختياري انا وزوجي دجاج وكانت باردة الله يديم النعمة بس من الجوع قضينا عليها :denya:
[url=http://www.0zz0.com]http://www9.0zz0.com/2012/06/25/23/968298045.jpg[/url]
وهني لما بدت الاراضي الاماراتية بالظهور, عاد مادري دبي ولا غيرها المهم الامارات :ggdw:
[url=http://www.0zz0.com]http://www9.0zz0.com/2012/06/25/23/220337783.jpg[/url]
شايفين الشي اللي لونه اخضر,,,,اموت واعرف شنو هذا :eh_s(10):
وهذي لقطات مختلفه لما بعد الهبوط والمطار الجميل
[url=http://www.0zz0.com]http://www9.0zz0.com/2012/06/25/23/714690429.jpg[/url]
[url=http://www.0zz0.com]http://www5.0zz0.com/2012/06/26/16/148371153.jpg[/url]
اخذنا تاكسي من المطار وكان بادي من20 درهم وكانت الساعه 7 وشوي مساء
وصلنا لفندقنا وهذا المدخل
[url=http://www.0zz0.com]http://www9.0zz0.com/2012/06/25/23/559556659.jpg[/url]
راح زوجي يسوي اجراءات التشيك ان, طبعا احنا حاجزين من الكويت وهذي صور مختلفه للوبي, صراحه شي جميل وحبيته حيل هالفندق واحنا كنا ماخذين جناح رئاسي
[url=http://www.0zz0.com]http://www9.0zz0.com/2012/06/25/23/623006051.jpg[/url]
[url=http://www.0zz0.com]http://www9.0zz0.com/2012/06/25/23/521831132.jpg[/url]
غرفتنا كانت بالدور التاسع
لقطات متنوعه واحنا رايحين لغرفتنا
[url=http://www.0zz0.com]http://www9.0zz0.com/2012/06/25/23/145356590.jpg[/url]
[url=http://www.0zz0.com]http://www9.0zz0.com/2012/06/26/00/127704344.jpg[/url]