علاج الدمامل

بسم الله والصلاة والسلام على رسول الله .... وبعد
اخواتي الفاضلات . السلام عليكم ورحمة الله وبركاته ..
هذه اول مشاركه لي واخر مشاركه بس حبيت انقل لكم شي مهم وهو علاج الدمامل باذن الله تعالى وارجو التثبيت للعم والحاجه
كنت اعاني من نفس المعاناة الي انتو تعانونها .. وسويت مايقارب 6 عمليات ويمكن اكثر وكلهم باالخاص وقيمة كل عمليه مو اقل من 300 دينار وكنت مجبور ابي افتك من الالم الي كنت فيه ... ولفيت ادور حل للاسف مافي .. وبالنسبه للحجم الي كان يطلعلي حجم 10 سم .... يعني حجم كبير جدا جدا وباماكن الله يعينا وياكم ويشافينا من هالامراض ... طبعا كالعاده مضاد وادويه والامور سليمه طول فترة العلاج ومن تخلص فترة العلاج يرجع الالم ... وفي امور كثيره لكنني بختصر لكم بعد اخر مره يوم دورت بالنت عن العلاج مريت موقعكم الموقر وشفت المعاناة الي تعانونها وعاهدت نفسي اني من القى العلاج او اي شي بسيط او يخفف الالم راح انقله لكم ..
تجربتي الشخصيه
كل يوم بعد كل دش ( استحمام )

تييبون تب وتحطون فيه ماي وتيبون خل ابيض نص بطل وينخلط مع الماي الي بالتب واخر شي بعد ماتسكرون الماي قبل لاتنشفون بالفوطه رشوه نفسكم بالماي الي مخلوط مع الخل ونشفوا الجسم
والله والله والله وعن تجربه شخصيه
والله ان الدمامل احس فيهم ... بيطلعون ومن اسوي هالتجربه يختفي الاحساس بالمره
فصرت بكل يوم اتسبح فيه اسوي هالطريقه .. اتسبح عادي بس اخر شي قبل لا اطلع من الحمام رشيت نفسي بالماي الي فيه الخل وطلعت
واسال ربي ان يشفينا وياكم ياااارب ولا يوريكم مكروه بسوء واتمنى الي يجرب ويحصل نتيجه يبلغ لان في ناس محتاجه العلاج ومن الممكن ان يكون مرض شائع وخطير ومحد عارف علاجه وبالاخير علاجه يكون بسيط
ربي اشرح لي صدري ويسر لي امري وحلل عقدتا من لساني يفقه قولي
وصلي اللهم على سيدنا محمد ....