ممكن تفسير حق حلمي وضروري اليوم اعرف ؟

صباح الخير بنات شلونكم ؟

مشكورين عالقسم الحلو

بياناتي / غير متزوجة .. عمري 23 سنة

ومو ملتزمه بصلاتي دايمن اقطع فيها واتركها ايام بعدين اصلي جم يوم وارجع اقطع وهكذا .....

بنات انا انخطبت حق شخص قبل فتره وحبيت قبل لا اعطي موافقتي استخير واشوف شيصير معاي

صليت الاستخارة الظهر

بالليل وقبل صلاة الفجر حلمت انه في شخص انا بالواقع اعرفه .. واعدني بمكان وعطاني فلوس وااااايدة وقالي ديري بالج لا يشوفج اخوي ( اخوه اهو وفي الواقع انا اعرف اخوه بعد ) وعطاني الفلوس ومشيت

وبعدها وانا طالعه جت لي اخت المعرس اللي اناا انخطبت له وعطتني كيك وكان شكله روووعه واترست سيارة اخوي كلها كيك وكنت مستانسه انا وبعد ما مشيت منها طلعنا انا واختي واثنين من عماتي حق ارض المعارض ووبس .. هذا بالنسبة للحلم اللي حلمته عقب ما صليت استخاره

في عندي حلم ثاني تكرر معاي اكثر من مره .. اللي اهو انه صار يوم القيامه بس كل مره تختلف الاحداث اللي بالحلم وبآخر مره حلمت انه اثناء ما كان يوم القيامه حسيت بلوعه جبد وكنت ابي اتفل ( عزكم الله ) ولما حاولت اطلع اللي بحلجي طلعلي خيط ابيض طويل قعدت اسحبه اسحبه ليما طلعته كله وراحت لوعه الجبد ..

تكفون بنات ,, ضروري اعرف تفسير هالحلمين اليوم قبل لا يتحدد كل شي عن العرس
باجر الخميس نعطي الناس الموافقه :(

سامحوني عالاطاله وجزاكم الله خير