قصيدة :الشاعرة الكبيرة الجفول بمناسبة تعاقد النصرمع حسني وعطيف.

القصيدة نشرتها صحيفة البطولة .
تقول فيها:



النصر جاني يطلب الود ودين
وأنا من الفرحة عطيته خفوقي



يامالكٍ قلبي من سنين وسنين
يادمي اللي فيه تحيا عروقي



الناس خلوني وانا خاطري شين
والحزن فيني دمر احلام شوقي



راح الحنان ودمعتي تجرح العين
واقبلت تمسحها وترفا فتوقي



محدٍ وفى غيرك ولااحدٍ معي زين
الكل مروا مثل لمع البروقي



إلا انت تاصلني على العسر واللين
ماغيرك احدٍ وافيٍ في حقوقي



إلعب طرب زودٍ على الفن فنين
فنك لعشاق التميز يروقي



اشطب على اللي بان عقبك بعقدين
أعلن من ابوابه زمان الشروقي



جرحتهم يانصر بالقلب جرحين
بعطيف قصيت اللسان الطفوقي



وبحسني جيت بهمتك تاخذ الدين
طوفتهم مثل الحصان السبوقي



من عاندك يشرب من الهم والبين
يصبر على نار العنا والحروقي



وينه ووينك ياخلف جدي ووين
تاريخك اللي كل نادي يفوقي

الجفــــــول