الخبر الاكيد عن اللاعب دييغو سوزا من صحافة البرازيل بشحمها ولحمها

حياكم مجانين الاهلي

قلت دام اني فاضي هالليله
خليني اصير مخبر وباحث عن المعلومه
بخصوص اللاعب البرازيلي دييغو سوزا

طبعا مالنا بخراط صحافتنا انا حطيت عليها اكس
وقلت ياولد .. خذ لك جوله انترنت في بلد اللاعب
البرازيل

ماطول عليكم

الموضوع بسيط وكل واحد فيكم يقدر يسويه

رح لعمنا قوقل واطلب منه قوقل البرازيلي

يعطيك هو على طول وطبعا لغتهم بورتقيز
على قولة سامي جابر افندي ههههه
انسخ اسم اللاعب واسم السعوديه حطه جنبه
وسو سيرتش ..

ولاتنسى ترجمة قوقل انسخ
وترجم يالحبيب هههههه


المهم اعطيكم النتيجه

بصراحه مواقع كثيره فتحت معي وكلها تبشر بخير

صحافة البرازيل جايبين خبر مفاوضات الاهلي للاعب
ولا هناك اي طارئ (لجار الهنا) مافي الا اسم الاهلي السعودي

واعتقد حتى موقع النادي فاسكو دي جاما

حاطين خبر انه اللاعب بيروح يلعب في النادي اللي يلعب له فيكتور سيموس

وكمان موقع جول العالمي جايب طاري مفاوضات الاهلي السعودي مع اللاعب

المهم جدا لايوجد اي ذكر ل اسم (جار الهنا) انه يفاوض اللاعب البرازيلي
انا مدري صحافتنا كيف شربكت الامور


على العموم هذا اللي عندي واتمنى انها تكون اخبار طيبه للاهلي

وبامكانكم ان تفعلوا الشئ نفسه وتتاكدوا من المعلومه

بالتوفيق للاهلي سواء جاب اللاعب سوزا او غيره


نراكم على خير ان شاء الله