شوفوا انا بشتمكم وكل شي لاني ابي ابين لكم كيف يكون العضو المحترم والغير محترم :: mbc محذوفة من عندنا!!>>موضوعي الاول بعد انقطاع
مساء الخير:smilie47:
هذا مووضوعي الاول بعد انقطاع طويل قدا قدا عن الشبكة ككل وعن مجلسكم الموقر خاصة :s2:..
بسبب مايحدث لحد الان من تناقضات غريبة في منتدى الجمهور من بعض الاعضاء وبسبب الانخفاض في تفاعل الاعضاء بالمجلس العام:s5s:
واكبر دليل موضوعكم المثبت اسأل والمجلس يجيب ..اللي اقترح تسمونه اسأل وبعد اسبوعين يمقن نجيب ويمقن لا:s2:
لاني استفسرت عن التقنية بما اني توني متخرج ابشركم ويوم دخلت لقيت بوابتهم العزيزه مقفله فلم اجد حل الا من حروف الغلا :s2:
عندما قالت اي ولله فعلا مقفلة:s2: والى الان ولا كأني استفسرت:s2: لكن ابشركم
قدمت وخلصت:s5s: وانحلت المشكلة
..عموما ماعلينا بدخل الموضوع الحين :rose:
موضوعي هو ياجماعة الخير كل ما اشوف لقاء مع ممثل او ممثله اتحمس اكثر لاني
اكتبه ..واليوم حانت الفرصه الذهبيه قلت قبل النوم انقر على ايقونة موضوع جديد:s2:
وناخذ راي الاعضاء وابيكم تعذروني لاني منذ مبطي عن المواضيع!!
موضوعي هو عن الفنانين والفنانات اللي يستغفلون الجمهور بشكل غير طبيعي
يعني لما تجي ممثلة وتشتهر بتمثيل ادوار هابطة هابطة بشكل فضيع ..ويجي
يسالها المذيع ليه مثلتي ذا الدور؟ يكون ردها وكأنها البنت المحترمة العفيفه:s2:
انا مثلت الدور هذا لكي ابين للمجتمع موضوع معين او حدث معين!!
ولو كان هذا المشهد مايفيد احد ماراح امثله لكن المشهد هو تكميل لقصة معينة!
واصلا انا من عايلة محافظه و .........الخ:s2:
طيب اذا انتي طلعتي بمشهد مش كويس ..خلك ساكته وبلاش تبريرات
زي خويتنا شاكيرا يوم صرحت انها ماتحب الحاجات اللي تسويها لكن هذي
وظيفتها:s2:
ولونجي مثلا لطارق العلي عندما يطلع بشخصية عايض وكلنا نعرف الهدف منها
وقام الكل يرددها على معناها المعروف تعرف عايض؟ يجي يطلع بتصريح
غريب ويقول استغرب من اللي فسروا ذي الكلمة تفسير خاطيء!! لا ياشيخ يعني
توك تطلع وينك اول ما انتشرت؟! وذي على فكرة اسلوب طارق تغير عن اول
يعني صار مفلس فنيا مع احترامي له..همه يقط كلمة وصخه عشان يضحك الجمهور
ولا كاسلوب كوميدي ما عاد هو زي اول خصوصا بعد ماترك عبدالناصر درويش :smilie47:
ف انا مدري ليه الممثلين يقطون كلمات ويسوون مشاهد ويبون الناس تفهم على كيفهم هم!
صارت الممثله تلبس مايوه وبكيني ولما تنسأل عن الامر ذا تقول دوري كذا!!
صارت مشاهد التقبيل والاحضان كللها تحت خدمة الفن يعني مافيها شيء!
صار الممثل اللي يشارك في مشاهد هابطة هو الممثل الكبير ورمز الفن العربي!!
والجرأه بالمشاهد تعتبر تميز من الممثلين واللي يقهرني اكثر الاعلام اللي ما يركز
على الموضوع ذا ومخللي الممثلين على راحتهم ..ويتحفظون على اللي ينتقدهم
حتى لو نجي عندنا بالسعوديه اعلامنا مخلي عبدالله المزيني (رقيه)
هو واجهة الفن السعودي وأنه ممثل كبير وهو مثل ما تعرفون مشهور بدور عجوز ولا عنده غيرها
ويقدمها بشكل مخجل و مقرف وعمره تجاوز ال50 ولحد الان يقدمها ويفتخر فيها
وللاسف مطلعينه وكأنه واجهة الفن السعودي.. هو وناصر القصبي وعبدالله السدحان
اللي يستحقون التسمية ذي لكن سابقا !
وفايز المالكي ومحمد العيسى ينتقدونهم بشكل كبير اهم شي لا احد يقول انهم
تفوقوا على عبدلله وناصر وغيرهم من الممثلين المفلسين
ف اعتقد ان في الف طريقة وطريقة لتوصيل فكرة النص بدون مشاهد وكلمات
لا اخلاقية ..لكن عندنا مخرجين يبي يدخل المشاهد ذي تحت اسم الفن للاسف
::
نقطتي الثانية عن قناة MBC ياجماعة الخير ولله اني ما اقدر اجلس مع اهلي
وانا حاط عليها :s5s: حتى ام بي سي ون اللي تقدر تقول اقل من القنوات الثانيه!
ما اقدر احطها في البيت ..والمشكلة يسمونها قناة الاسره:s2:
اي اسرة :s2: قسم قسم اني اطلعها واشوف بعض البرامج والافلام بعدها
احذفها طوالي ..ولله ياجماعه افلامهم فيها تخريب للفكر بشكل غير طبيعي
اعذروني على الصراحه اقسم بالله العظيم اني اتابع فيها افلام البنت تكلم امها
وتقولها عادي الحين امارس العلاقة ولا لا !! تخيل بالله لو اني جالس مع اهلي
ويطلع قدامي كذا؟ اجل قناة الاسره:s3s: وربي مع نفوسكم انا قناة الجزيره اذا حطيتها
قدام ابوي اكون على اعصابي لايطلعون لنا الحسناء ماريا شارابوفا ذو الشعر الاشقر
والعيون الزرقاء تلعب كرة التنس:s2: كيف لو فيلم وفيه مشاهد مش ولا بد:s5s:
؛؛
اخر سؤال ليه حنا يالسعوديين اذا سألنا عن ممثلة منقطعه اخبارها يكون اول جواب
انها تزوجت امير وقالها لا تمثلين:s2:>>وربي كللهم كذا:s4s:
وعلى طاري الممثلات اخبار زينب العسكري؟؟! وينها ووين ايامها:razz:
مزة الطيبين:s2::s2:
تحياتي واعذروني على الاطالة:ba1:
عمر العنزي:rose::ba1:
