ماشااااء الله دعائي قرررربت استجابته ان شاااااااء الله قريييب

السلام عليكم ورحمة الله وبركاته
مضايجه؟ صابج الالم والضيق؟ ذرفتي دموعج بكل قهر وحزن؟ طييييب انظلمتي؟ حد ظلمج وتنتظرين الله ياخذ حققج منهم؟ يأسسسستي؟ اقري معاي ترا والله الله كبييير مهما كان اللي بقلبج ومهما كان اللي تمرين فيه

اول شي الله يخليكم قولوا ماشاء الله لاني قررت اكتب الموضوع بنية صدقة وعشان ارفع معنويات بنات خلاص يأسوا مثل ماكنت ايأس وللجميع اللي بقلبه دعوه ف الله يخليكم قولوا ماشاء الله

انا قصتي وسبب دخولي للمنتدى مابشرحه الحين
راح اشرحه بعدين يعني وقت اللي خلاص الله يستجيب لي كللل دعائي

والله ياناس لو اقولكم انه 90 بالمية من اللي كنت ادعيه وكل ادعيتي استجاااابها ررربييي والله الكريييييييم الرحيييييم
وقبل يوميييين صار الشي
لكن باجي شي اخير انتظره من ربي وان شاء الله راح يستجاب لي باذن الله
وفي موضوعي الثاني اللي بكتبه يوم الله بيستجيب لي دعائي كااامل راح افصل بالتفصيل ان شاء الله شو كان موضوعي وشو سويت عشان الله يستجيب دعائي رغم ذنوبي العظيمة والحمدلله اني تبت منها توبه نصوحه الله يثبتي عالتوبة يارب


حبيبتي .. ياللي مضايجه وتذرفين دموعج، انا اللي مريت فيه كان ظلم، انظلمت ، ظلمت نفسي ونفس الوقت انظلمت ، وتقريبا سنة مرت وانا على ضيقي وربي يشهد كنت امر بايام خلاااااص اليأس اكل قلبي ، وكنت استغفر الله احس واقول بقلبي يالله متى بتستجيب متى !!!؟؟؟ اسسسستغغفر الله العظييييم واتوب اليه ، مع اني مظلوووومه والله وعد المظلومين بالاستجااابه حتى الكاافر المظلوم الله راح ينصره تخيلوا الشيطان كيف كان يبيني ايأس واستسلم؟!!!!!!!!!! مع اني انا من طبعي ماااحب ايأس ابدااا والحمدلله وماااااشاء الله ماحب ايأس مثلا مثال سخييف اذا انا واخوي ندور على برنامج او فيلم معين ومالقيناه انا اظل ادور اخوي يقولي خلاص ماراح تلقينه ليش تدورين عليه انا اقول لا بلقاه ان شاء الله وفعلا القاه وهووو يستغررررب يقول كييييف جذي كااان مستحييييل تلقييينه !!!!! سبحاااان الله الله معاااي معاااااي حتى لو الشي سخييف،
لاتقولين انا موضوعي واللي امر فيه صعععب والبشر ماقدوورا عليه ترا انتي موجودة بهالحياة بفضل رربج هو قدر يحييج مايقدر يحيي السعادة في قلبج مره ثانيه ؟!!! ، ترا انا بعد بسبب اني انظلمت حاااولت بشتتتى الطرق احل موضوعي والله اني ذليت نفسي ماترضاها اي بنت على نفسها ذليت نفسي ذل لبشر ولقيت منهم اصعب انواع القسوة والذل، كنت اقووول عالاقل ارحمووا دموعي (والمفرووووض ما اطلب الرحمه الا من ربي) وتدرون شو قالوا لي؟ "يلا ماشي رحمه" تخيلوا اي قلب هذا !!

لكن والله ربي كان معااااي رغم هذا الكلااام شو اقولكم بس والله شفت الرااااحه في تقربي لربي

المهم انا مثلما قلت اني ان شاء الله راح اقولكم موضوعي بالتفصيل يوم الله بيستجيب لدعائي وراج اقول شو سويت بالتفصيل عشان يستجيب لدعائي بس سالفتي اكثر للمظلومين لاني انا انظلمت

المهم
بقولكم نصااايح اذا تبين الله ينصررج ويستجيب لدعائج حاولي تسوين اللي سويته
- يوم ايأس واحس اني خلاص قريب وبيأس وماعندي حد اكلمه على طوووول يا إني اصلي لربي ركعتين او اني ادور بالنت مواضيع وفيديوات عن الدعاء وكنت ارتاااااااح واصييييح من كثر الفرحه انه الله استجاب لدعائهم ليش مابيستجيب لدعائي! وخاااصه مواضيع الاستغار ، قلت لنفسي انا اذنبت ذنووب لازم استغفر قبل ربي يستجيب لدعائي حتى لو كنت مظلومه والله يستجيب دعاء المظلوم ولو كان كافر لكن انا لازم اتسغفر مهما كان وضعي وسالفتي

- الصدقة ، ترا جربت الصدقه 3 مراااااات وفععععلا صار اللي بغيته وصرت يوميا او اغلب الايام لااازم اتصدق كلما تذكرت اتصدق بالمسج لانه اكيد شي رقم عشان الصدقة ف كلما تذكرت كنت ارسل مسج حق الرقم بنية الصدقة. لكن اخر مره تصدقت فيه كان اللي صار كبيييير وفرررررحني فرححه كبيييره ، واللي صار هو: كنت رايحه السوق مع امي واختي، نزلنا انا وامي من السيارة نشتري جلابيات ، لما كنا فالمحل دخل فقير علينا، وكان يدعي ويطلب منا وماد ايده نفس كل الفقراء ، انا قلت بخاطري يمكن يكون طلاّب مب فقير، امي قالت عطيه 5 عادي ، قلت بخاطري حتى لو كان طلاب عادي راح اعطيه بنيه صادقة مني وبنية الله يستجيب لدعائي ، ونفس الوقت اللي انا ادخل ايدي فالشنطة عشان اطلع الفلوس قلت بخاطري بضاعف المبلغ يعني 10 وراح اعطيه حتى لو كان العشر اخر فلوس عندي فقط لوجه الله والله اني قلتها من كل قلبي وبنية صاااادقة ، وفعلا الحمدلله كان عندي اكثر عن 10 وعطيته ال10 ، وتم يدعي دعوات : الله يسعدج الله يحرسج من الحاسدين والله .... واخر دعوة سمعتها بوضووووح كان الله ارسله لي بسسس عشان هاي الدعوة، قال : الله يفرجها عليج اهني انا مادري بشو حسيت ، كان جاستني صاعقة انتبهت لهاي الدعوة، مع العلم اني كنت فالايام السابقة كنت ادعي يارب تخلي لي ناس يدعون لي بظهر الغيب ويحلمون فيني انك راح تستجيب لي، وسبحاااان الله حسييييت بطمأنيييينه بعد هاي الدعوة وعلى طوووول رفعت ايدي لكن بشكل الناس ماتلاحظ لاني فالسوق ونفس الوقت قلت لازم ادعي بعد الصدقة لانه الدعاء بعد اي عمل خير مستجاب باذن الله ف رفعت ايدي بطريقة محد يلاحظني وكنا وقتها طالعين من المحل وانا طالعه من المحل كنت رافعه ايدي بطريقه محد يلاحظ وظليت ادعي اللي بخاطري انه يارب تنصرين وتذلهم مثل ما ذلوني...الخ، ومسحت ويهي وقلت نهاية الدعاء والحمدلله رب العالمين وصل اللهم وصل على سيدنا محمد وعلى آله واصحابه اجمعين آمين آمين آمين وكان الوقت على صلاة المغرب لاني اذكر طلعنا من المحل ورحنا المسيد. نفس اليووووم ، الساعة 12:22 دقيقة ، كنت يالسه بالصالة وفجاة هالشخص اللي ظلمني يا على بالي ، وبعدها بدقااااايق وكان الوقت بالضبط 12:22، وصلني مسج منهم وكان المسج يدل على انه اللي سويته لهم اخر فترة نفعت معاااي واككككثر شي كنت افكر فيه انه يااااارب سبحااااان الله اليوووم انا تصدددقت ياااارب بشووووو اشكرك كييف ارد لك الجمييييل وتميت اقول الحمدلله حمدا كثيرا طيبا مباااركا فيه (لانه حمدلله تكثر علينا من النعمة واللي احنا فيه وخاصة تمعنوا هاي "سمع الله لمن حمده") وانا اصلاااا اتبعت طريقة اختي طموحه بزيادة وكانت الطريقة فعلا له دور اي شي سويته كان له دوور ، كنت اقول مع الدعاء ( ولئن استجبتلي هذه / اعطيتني هذه لأكونن من الشاكرين ) وكنت اقصد وعقد النية اني راح اصلي ركعتين شكر يوم بتستجيب لي ، ف قبل اييي شي رحت وصليت ركعتين شكر لربي ، مع انه اللي صار مب كاااامل نفس اللي ابيه لكن ان شااااء الله الاستجابة قريبه باذن الله. ف لااتخلووون الصدقة حتى لو فلوسج قليييل او ماتم عندج حق الشهر الا مبلغ قلييل تصدقي الله راح يزيدج

- الاستغفااااار ، ماله داعي اكثر واقول لانه وااااايد بنات استغفروا وشافوا العجب، ابحثي في قوقل واكتبي الاستغفار والاستجابة او فضل الاستغفار على الدعاء المهم ابحثي عن الاستغفار لاجل استجابة الدعاء، وشوفي القصص اللي بتقرينها والله اني كنت اصيح يوم اقرا القصص، واختي بعد جربته تقول بعد اسبوع حسيت براحه من الضيق. استغفروا فاليوم اكثر من 1000 واستغفروا باصابعكم عشان تشهد عليكم يوم القيامة، وعشان يسهل عليكم للعد خذوا المسباح او بالآله في الموبايل وانتي فالطريج رايحه مكان افتحي الآله حاسبه وجمعي 0+1=1 وكل مره سوي ENTER او يساوي وراح يزيد العدد ، 0+1 مب 1+0. استغفروا 1000 مره و اكثر فاليوم ، عشان اسهل عليكم ، قبل وبعد اي صلاااة 100 مره يعني لكل صلاة 200 مره وبتكونون استغفرتوا 1000 مره فاليوم وكلما تذكرتوا استغفروا .ماراح تخسرين شي!

- الصلاااة على النبي، جربببتها و والله انها نفعتني، واصلا الصلاة على النبي عليه الصلاة والسلام لازم تكون قبل الدعاء ونهايته هذا من اداب الدعاء وقريت وسمعت انه الله يستجيب ومايرد الدعوة اللي تكون بين صلاتين على النبي على الصلاة والسلام. سووا نفس طريقة الاستغفار صلوا عالنبي 200 مره لكل صلاة يعني الف مره فاليوم ماراح تخسرين شي!

- الدعاااااء بكككل انواعه اقروا تجارب البنات اهني فالمنتدى شي وايد ادعيه حلوه وانا اللي استمريت عليه من تجربة طموحه بزيادة ، وابحثوا في قوقل قصص في استجابة الدعاء واذا ماتعرفين اداب الدعاء بقولج: 1)حمد الله والثناء عليه 2)الاستغفار، الصلاة على النبي عليه الصلاة والسلام (او حتى الصلاة على النبي قبل الاستغفار لانه مثلما قلنا انه الدعاء بين الصلاتين مستجاب وانتي تبين الله يغفر لج ذنوبج) 3)ادعي اللي تبينه اييي شي وشوفي فالنت ادعيه حلوه والافضل انج تدعين من نفسج لانج بتحفظين اللي فالنت ومابتكونين متمعنه في معاني الدعاء لازم تدعين وتستغفرين وانتي عارفه المعنى من اللي تقولينه مش مجرد دعاء وقلبج لاااهي ترا الله لايقبل من قلب لاهي ، مب تبين اللي يسجيب لج؟ عيل عطي قلبج كللله لربج اي شي تقولينه لربج كوني عارفه معناته مب مجرد كلمة تطلع من لسانج وخلاص 4) الدعاء للمسلمين واي حد حواليج واي حد يمر بأزمه وحزن ادعي له ترا عندج ملائكة يقولون ولك مثله وانا جربت وفادني ، كنت ادعي لربيعتي بظهر الغيب بدون ماتدري بعد ماكنت ادعي لنفسي ادعي لها تنجح في امتحان الايلس اللي رسبت فيه لثلاث مرات وانا كنت اول مره بمتحن فكنت ادعي لها من كل قلبي مب بس عشان يستجيب لي ربي لا كنت صدق ادعيلها من كل قلبي انه يارب نجحها تراها حاولت وايد ومانجحت يارب نجحها عشان تفرح وخلها تصيح من الفرحه والخ، وسبحااان الله نجحت وكانت تقول مب مصدددقه واحس بصيح من الفرحه وانا نجحت في كللل الاقسام وحتى فالمجموع ماعدا قسم واحد وهو القراءة READING TEST لكن نجحت والحمدلله المره الثانيه وحسيت فعلا له مفعول وحتى مره شفت اختي مضايجه دعيت لها يارب مثلما امست على ضيق يارب صبحها على ضيق مع اني انا كنت مضااااايجه ومخنووووقه ماعندي حد ينصرررني لكن دعيت لها من كل قلبي وسبحان الله اليوم الثاني الصبح حسيتها فرحااانه نسيت ليش بس فرررحانه كانت ماذكر ليش وعرفت انه الله استجاب لي وفرحها. اهممم شي ادعوا للناس من كل قلبكم مب بس عشان يستجيب لكم عشان باجر الله يسخر لكم ناس يدعون لكم كلما سويتي خير للناس باجر بيرجع لج الخير 5) الاستغفار بعد مره 6) حمدلله والصلاة على النبي عليه الصلاة والسلام "والحمدلله رب العالمين والصلاة والسلام على سيدنا محمد وعلى آله واصحابه اجمعين آمين" ، الدعاء في كل الاوقات وقروا فالنت اوقات الاستجابه. تذلللوا لله في الدعاااء وكرروا الدعاء 3 مرات الله يحب العبد اللحوح لاتقولين دعيت من سنيييين او شهووور وماستجاب لا استمري انتي قاعده تلحين على الله هو يقدر يسوي هذا الله مب اي حد


- كللل شي تسووونه سووه بنية صادقه لوجه الله حتى لو ماتقدرين او سخيف سويه ،قبل ايييي شي كونوا على ثقه ويقييييين انه الله راح يستجيب لكم، هذا رب العبااااد احنا نذل نفسنا للبشر وفوق هذا مايعطونا مطالبنا، فما بالكم بربنا الرحيييم هذا الله مش اي احد هذا يستحيي من العبد اذا رفع يده ودعاه ويردهما خائبين !!!! احنا ننزل رؤوسنا لما نطلب من احد اما ربنا لما نطلب منه نررررفع رؤوووسنا عزيزيييين مكرمييين !!!!! انتوا اعملوا هالامور الصدقة والاستغفااار واي شيء عمل خير سوووه ايي شيء حتى لو ما انذكر بس بنية الاجر ،المهم قبل ايييي شي لما تتصدقون وتدعون خلاص وكلوا امركم لربكم هو قال (ادعوني استجب لكم) خلاص وعدنا وخلاص ليش نحاتي ونفكر متى بيستجيب !!! انا طبقت هالشي مع سالفة الامتحان والمبلغ المالي كنت استغفر واتصدق وخلااااص مافكر انسسسى لانه كان همي الثاني والاكبر اني ابغاه الله يذل هذا امااامي يجيني ذلييييل واكون انا العزيزة بعد ربي العزيز. وسبحان الله فعلا صار ومثلما توقعت صار.

- طبعا اقروا القرااان

- قيااااام الليل

- اذا انتي نايمه وفجاة قمتي علي صلاة الفجر لاتتكاسلين قومي صلي عندج اجر كبيييييير لانج تعبااااانه والمكيف البااارد واحنا في عز الصيف وانتي تعبانه وتحت اللحاف بس قمتي توضيتي ورجعتي في وانتي بردانه من المكيف ولانج متوضيه وخرسانه صليتي ركعتين عندج اجر كبييييير لانج سويتي هذا بس عشاااان الله ، وادعي نهاية الصلاة وقولي يارب انا قمت من نومي وانا تعبانه ورحت توضيت ودخلت في الغرفة في هالبرد وتركت سريري ولحافي بس عشاااانك يارب استجب لي ..... وقولي اللي تبينه. اي عمل خير سويتيه اذكريه بدعائج وقولي يارب سويت هالشي بس عشااانج انا كنت متكاسله اصلي بس قمت اصلي بس عشانك ، او انا ماعندي فلوس وايد حق هالشهر لكن تصدقت بس عشااانك لوجهك الكريم ف يااارب استجب لي ولا تردني خائبة ، واذا كنتي تبين تسوين عمل سوء مثلا تسمعين اغاني او تطلعين شعرج او تتعطرين لكن ماسويتيه بس عشان الله قولي في دعاءج يارب انا كان خااااطري اسمع اغاني كان خاااااطري اطلع شعري كان خاااطري اتعطر فالسوق لكن ماسويت هذا بس عشاااانك ف ياررب استجب لي

و ان شاء الله اذا تذكرت شي راح اذكره فالمره اليايه يوم بستجيب لي الله دعائي
وان شاء الله راح افصل اكثر يوم الله بيستجيب لي دعائي بس الله يخليكم اطلب منكم هذا الطلب ادعوا لي من كل قلبكم بظهر الغيييب انه ربي ينصرني ويذلهم جدامي مثل ما خلوني اذل نفسي وانه اللي اباه يصير الله يخليكم :eh_s(2)::eh_s(2)::eh_s(2)::eh_s(2)::eh_s(2):