همس القوافي

السلام عليكم ورحمه الله وبركاته


اتيت لكي انقل لكم ابيات من اجمل ما رأيت وتجسد عن المحبوب الذي يخون محبوبه

في عالـــم لم يتعود المحبوب ان يكون فيه عالم الحزن والتفكير وشوق الي من احب

وقد قدم الكثير له واسكنه في قلبه لا اطيل عليكم فهيا تعبر عن نفسها



للشاعر فيصل العويد الرشيدي


هذاك باب الهجر.. من دون رده=روحي.. متى صار الغلا بالغصيبة؟
و إبكي على عهد الغلا و الموده=وقت مضى حتى البكا ما يجيبه
كنتي على عرش الهوا مستبدة=غرك دفا قلبي و عطفه و طيبه
اصب لك كاس المحبة و امده=و اشتاق لك و انتي بجنبي قريبة
يا كثر ما قدمت.. لاجيت اعده=و يا كثر من نامت ضلوعي عطيبه
حتى وصل غدرك مع الوقت حده=و صار الحبيب يخون عشرة حبيبه
حبل الغلا نرخيه و انته تشده=لين انقطع و المستتر بان عيبه
و اليوم نفسي للجفا مستعده=اللي يدور غيرنا وش نبيبه
هذا جزا الخاين و صدة بصدة=جيتي غريبة و اتركيني غريبة
و آخر كلام و لا انتظر منك رده=حطيه في بالك و كوني لبيبة
ماني من اللي يلمس الدمع خده=نفسي عزيزة رغم هول المصيبة
و لا اقول شي الا ليا صرت قده=روحي...ترى حبك دنا من مغيبة