شعر يالله يارازق كل المخاليق......

يالله يارازق جميع المخاليق = ياحي ياقيوم يالله يالله

ياناصر المظلوم بعد التواهيق = يامالكٍ ذا الكون من اقصاه لادناه

كل الرجا رحمتك ثم التوافيق = في دنياٍ فيها العجب ساع شفناه

الحقد ساد وصارت الناس تلفيق = قليل تلقى من هو الطيب منشاه

غيبه غدت مثل الجبال الشواهيق= كذب ونميمه للبشر صارت سماه

لاحشمه للشيب ولا فيه ترفيق= ضاعت حقوق الجار عزاه عزاه

للمال هم للمال انا اشهد سوابيق= رجلٍ ملك ذا المال كلن ترضاه

حتى لو انه رمهً ثم زنديق= بيصير شيخ وكلمته ماتثناااه

يالله انا طالبك في ساعه الضيق= الهم من قلبي تزيله وتمحاه