ابي شوركم .. ياهل الدجاج البلدي ...؟

اغنام - ابل - دواجن - طيور

اسعد الله اوقات الجميع

ابي فزعتكم بالنصح والمشوره وجزاكم الله الف خير

انا عندي شبك غنم بالبر ، مخصص غرفة تقريبا ثلاثه في ثلاثه وارتفاع مترين طبعا كلها من الزنك والواجهه نصها شبك والباقي زنك وباب خشب ( بالسقف حاط زل وخيام )، وبصراحه ماني مهتم كثير للتحصينات والفيتامينات ( اتعاجز بصراحه مع الادويه والتحصينات ) وخبركم العلاجات كثيره ومتعبه ، واكلهن شعير واحيانا خبز ، والمشكله كل ماجيب دجاج جديد مايطول عندي اما يموت والا يموت اللي كان عندي اول ، مع العلم اني احصن الجديد قبل ادمجه مع القديم ، والحين اللي باقي عندي 6 دجاجات وديك من القديمات بس ، مدري وش السواة يالربع ، مع العلم ان موت الدجاج مابين الشتاا والصيف يعني الجو معتدل تقريبا .

وين المشكله بالضبط وهل فيه علاج او تحصين شامل اقدر استخدمه مره بالشهر مثلا

وش تنصحوني فيه وخاصة اني مابغاه تجاره ومرابح ، ابيه للبيض والوناسه بس (((( جبت بالفتره الاخيره حمام فرنسي وحطيته بنفس العشه )))

بانتظاركم لاتخلوني جعل والديكم للجنه