اللي سوت حقن مجهري واللي عندها مرض بطانة الرحم الهاجره الله يخليكم محتاجتكم

مرحبا يااحلى بنات شلونكم؟
انا اختكم عضوه يديده في المنتدى بس كنت اتابع من زمان واستفدت منكم وايد ربي يجزاكم خير
بدخل بالموضوع انا صارلي 3 سنين متزوجه وماالله رزقني بعيال ولله الحمد.
بدت رحلة العلاج بعد سنه ونص زواج ، اول دكتور رحتله د.خالد حموده ، بعد فحص الهرمونات والرحم وتحليل زوجي قال كل شي تمام وظل يتابعني شهر بدون ادويه عشان يعرف السبب، طلع ان البويضات بعد ماتوصل الحجم المطلوب ماتطلع من حويصلتها وتتحول جيس ، قال الشهر الياي نبلش كلوميد وابرة تفجير، اخذت العلاج وابرة التفجير وماطلعت البويضات قررلي انابيب وانا وقتها انصدمت وانهرت وماارتحت لكلامه وغيرت الدكتور رحت لدكتور عصام ابو الفتوح ، شرحتله الموضوع وقالي ماكو شي اسمه بويضات ماتطلع اذا اخذتي العلاج عدل ! بدينا العلاج ومن اول شهر معاه اخذت كلوميد وابرة تفجير طلعت البويضات بس ماصار حمل وسويت اشعة صبغه كل شي تمام وحاولت اربع شهور كلوميد واربع شهور تلقيح صناعي وماحملت . عقب مليت من العلاج وقلتله خلاص بسوي حقن مجهري ووافق، وسبحان الله بالشهر اللي نويت فيه اسوي يت للمستشفى د.رائده الفضلي واهيا تخصص انابيب ، الدكتور قالي انصحج فيها لانها متخصصه بهالمجال اكثر مني . رحت للدكتوره ومن اول ماقلتلها انا لما تييني الدوره يغشي علي قالت احتمال عندج الاندومتريوس اللي اهي بطانة الرحم المهاجره ، وبعد ماسوتلي السونار شافت جياس دم صغار بالمبيضين والمبيض اليسار نازل تحت الرحم وهذا طبعاً بسبة هالمرض ، قررنا نبدا بالحقن المجهري ولان الجياس وايد وصغار قالتلي ماينفع اسوي منظار راح انزلهم عن طريق الابر عشان لا اضر المبايض . أخذت ابر التنشيط وسويت العمليه وتم ترجيع 3 اجنه ممتازه وريحت اسبوعين بس ماحملت . بنات منو صارلها نفسي ومنو فيها هالمرض وحملت وشنو سوت والله يخليكم انا بحيره ياريت تفيدوني ولكم دعوه بظهر الغيب