تجربتي مع بخاخ ريجين Regaine للشعر! تعااااااللوووووا اقروا

السلام عليكم ورحمة الله وبركاته

شلونكم كويتيات؟؟
أكيد سمعتوا عن هالبخاخ والأغلبية منكم ما تجرأوا يستعملونه دون وصفة طبية، ولكن أنا بطبيعتي المحبة للتجربة قررت أستعمله لأن شعري رايح فيها وما كان يهمني أي شي صراحة بسبة حالته السيئة.

شعري كان مليان فراغات وقصير ومتقصف ويتساقط، وقررت أستعمل هالبخاخ لأن حسيت انه الوحيد اللي بيفيدني. أولا، رغم المخاوف اللي كانت تتملكني بسبب اللي قريته عنه عن النت إلا اني تجرأت وغامرت رغم ان له عيوب ذاكرينها بالورقة اللي فيها التحذيرات والاستعمال اللي اتيي مع الدواء، ومن احد هالعيوب اللي صادفتني: عوار بالراس وضيق بالنفس.

وفي عيب بعد: التساااااقط اللي سببه كان فظييييع بس الحمدلله تلاحقت عمري ولاحظت ان اللي طاح شعر قديم.

بخليكم مع تجربتي اللي ذكرتها بالمدونة:

http://lh4.ggpht.com/-fl3futIiZVE/T9...jpg?imgmax=800

معاناتي مع شعري بدت من فترة وليلحين أعاني بس أهون من قبل الحمدلله. http://lh5.ggpht.com/-ybO7-Oal6Ok/T9...png?imgmax=800
كنت مرة رايحة الصيدلية لأن أبي امبولات أو بخاخ ينبت الفراغات. نصحتني الموظفة ببخاخ ريجين وفيه مادة المينوكسيديل وما كنت أدري شنو هالمادة وما عرفتها إلا بعد ما شريت البخاخ.
طبعا شريته وعقبه قريت تجارب الناس عبر الانترنت. خذيت الأخضر اللي نسبته 2 % لأن الأزرق مخصص للرجال ونسبته 5%، عموما قريت التجارب وأغلبهم يقولون لازم اللي يستعمله يستمر عليه للأبد ولا الشعر يطيح! واتذكر الصيدلانية قالت اقطعيه تدريجيا. توكلت على الله وقلت أجربه. جربته شهر 6 اللي طاف وكنت أبخ 6 بخات مساء و6 صباحا خلال شهر ونص وماشاءالله والله خلال هالفترة شعري طلع! وبعدين خففت وخليتها 6 بخات يوميا وبعدين يوم وترك إلى مرتين أسبوعيا إلى أن قطعته بعد استعمال 4 شهور وتبارك الرحمن شعري طلع والفراغات امتلت لكن لاحظت بعد فترة قصيرة ان الشعر الطويل عندي بدأ يطيح وخفت ورحت الصيدلية وأخذت تونك الشعر والشامبو من ريجوفيل.
التوونك اسمه
http://3.bp.blogspot.com/-kfD38DYj8W...0)%5B11%5D.jpg
Hair maintenance
استعمله مره يوميا قبل النوم والحمدلله الشعر اللي طلع الجديد ما طاح لكن بقت المشكلة بالشعر القديم الطويل! ووصراحة ما أنصحكم بالشامبو لأن ما فادني والتونك ما حسييته فادني.
سعر التونك كان 15 والشامبو 8 دنانير أتوقع
الحمدلله شعري ماشاءالله أحسن من الحين
صراحة من تجربتي لبخاخ ريجين، أنصح فيه بس المهم إن مدة استعماله ما تجاوز 4 شهور لأن أتذكر الصيدلانية قالت لي هالكلام وأهم شي تقطعونه تدريجيا وتستخدمون بخاخ أو امبولات مقوية للشعر الجديد اللي يطلع.