بنات تجربتي بمستشفي الراشد
السلام عليكم ورحمه الله وبركاته
بنات انا بتكلم عن تجربتي بمستشفي الراشد ماحب اخوفكم بس هالشي صار معاي
والله وشاهد علي بقول كل كلمه وربي يحاسبني
يعني 3 شهور نزيف المهم كانت نفسيتي مومرتاحه وكنت احوس وايد وماارتاح
وقف النزيف تاريخ 26-4-2011
وبتاريخ 27-4-2011 نزفت رحت عند دكتور مصري(بدون ذكر اسامي) بمستشفي الراشد
طمني انا وريلي قال :ماتخفيش دي حاقه بسيطه كلها سانتي ونص فوق كيس البيبي دم ينزل
وشفت البيبي بالسونار انه يتحرك ونبض قلبه زين تطمنا اكثر
رديت البيت وارتحت وماتحركت من الفراش اله حق شي واحد عزكم الله الا ذا دخلت حمام وصلاه ماكنت اصلي من النزيف
وبالليل علي ساعه 10 ارتفعت درجه حراتي حطيت كمادات مافي فايده ودش الحمام عزكم الله اسبح عشان تنزل حراره ونزلت الحراره
لانا كنت اخذ مضاد حيوي حق الالتهابات وتحاميل حق حاتي
المهم قعدت الصبح ترجيع وحراره زادت دقيت على الوالده الله يطولي بعمرها ودتني مستشفي الراشد ليش مو قاطيني بالممر ساعه كامله وارجع ودايخه على الويرجير وانطر بس ريلي متي اي
بعد ساعه وانا قاطيني بالممر ويدورولي علي مفاتح ملاحظه
دخلوني غرفه الملاحظه ويت دكتوره مصريه سوتلي سونار:eh_s(1)::eh_s(1)::eh_s(1):
وانا اقوله طمنيني علي بيبي ابي اشوف الشاشه فرتها عندها وامي واخوي للحين يدورون علي دكتوري ويسون اوراقي دخول مستشفي
:bbbiu:تدرون شنو ردت علي يوم قتله بشوف البيبي
مولازم تشوفينه البيبي ميت مايتحرك:eh_s(11): الله يموت قلبها مثل ماموتت قلبي
طريقته كانت حيل غلط واله قمت ابجي واصرخ اخوي دش يقولي شفيج :eh_s(1):منصدم
قتله بيبي مات اختنق من العبره راح يقول حق امي شلون عزكم الله هالكلبه تقولها مفروض تقولنا واحنا بطريقنا نقول
بقيت والله امسكه واذبحها بس كل شي بيد الله
خلوني 3ايام يحطولي تحاميل طلق صناعي وانا متسممه واليوم الثالث حطولي محلول طلق صناعي
الله لايوريكم يذبح اكثر من طلق الطبيعي
ودوني غرفه العمليات وله كيربي :eh_s(1):جني بياخور متخيلين كيربي انصدمت صدمت حياتي
سولي تنظيفات يوم قعدت بشوف الياهل اقول حق وحده بشوف الياهل تقولي ماتشوفينه ام ريلج قالت لاتورينه البيبي قتله وهي شكو اذ ماخيتيني اشوفه بقلب مستشفي فوق راسج وراس ام ريلي وريلي
طبعا هالكلام لاني مبنجه :eh_s(14):وقمت اصرخ واتسبب فيها من حرقه قلبي ماتبيني اشوف ولدي الي كان داخل بطني دقت على ريلي بالغرفه طبعا امه ردت وتقولها لاتورينها وسبيتها سب وسمعت
علي اساس تقول لاتورونها دامي طلبت اتحمل اشوف اشوفه ودق على دكتور وسمع صراخي قال خليها تشوفه وشفته
يوم نزلت الغرفه الله والغرفه صغيره حيل وتناجرت مع ريلي امه تقول ميخالف من البنج قتله مومن البنج صج كنت مصحصحه بس حرقه قلب ليش ناس تدخل بشي مالهم شغل
وهذي قصتي حبيت افضفض لكم
وملخص كلامي اذا مكان مونظيف وشرح ماراح تقدرين تقعدين فيه
والشي الثاني علي حسب اسلوب وشظاره الدكتور
مو مثل الي قالتلي بيبي ميت بدون ماتهتم بمشاعر احد الله يسامحه
