اعتقد انه طفح الكيل من هذول اللي مسويين أنفسهم خايفين على مصلحة الهلال وين الإداريين الكرام عنهم اقول الخلى بس اذلفوا عن هلالنا!

الإدارة تبذل مجهودات جبارة والرئيس مسكين وهو في أشرس الظروف اللي تواجهه
وفاة عمه الأمير نايف رحمة الله عليه وتواجد والده في المستشفى ولا زال مهتم بالنادي
والله لو اني رئيس لأستقيل وأهج وأدور ديرة تانية أعيش فيها ..

فيه مجموعة مندسة والأخرى تحرّكها الصحافة الصفراء مثل صحيفة الوضيع خلف ملفي وأعوانه .. اللي يبغى يثبت للنصراويين انه مش هلالي على حسابنا .

كل اللي يتكلمون فالحين أثناء المباريات يتواجدون في المقاهي يحط لك هذيك الأرجيلة صايع ضايع الله لا يبلانا وما يحضر لا تمارين الهلال ولا مبارياته في الملعب , ويجي بكل وقاحة يتكلم عن الهلال كأنه فاهم ودافع من جيب أبوه

ياخي تغار على النادي ما قلنا شي وذا موجود فينا كلنا .. لكن الإدارة تبذل مجهودات جبارة , لسا ما بدأ الموسم وانتوا ماسكين المايك وشتايم وانتقادات حادة .. وش فيكم ؟؟ عسى ما شر يالدبلوماسيين يالداعميين يا أعضاء الشرف!!

والصحافة تدور ورا الأعضاء اللي في فمهم ماء ويبون يتكلمون
ويحبون يطرحونه في أوقات عصيبة يعاني فيها الهلال زي العجلان وغيره , الرئيس كل ما مدح صحفي قام ثاني يوم يتهجم عليه (اتق شر من أحسنت إليه)

مو كفاية سمو الأمير عبدالرحمن يواجه سفالة الصحافة تجون انتو بتكملونها عليه ؟؟ كلنا نبي الأفضل لنادينا ..

انتوا بس احضروا وادعموا وخليكم الكلام الزايد

لا بارك الله في كل من يريد الخراب والمشاكل في النادي
واقولها في هالجمعة الفضيلة .. لا بارك الله في أي شخص يبغى يمس نادينا , الله لا يجعله يتهنى في حياته

تبّت أيديكم يا صحافة الكذب والخداع