[poem=font="Simplified Arabic,5,black,bold,normal" bkcolor="transparent" bkimage="backgrounds/16.gif" border="groove,4,limegreen" type=2 line=1 align=center use=ex num="0,black"]
ياصاحبي كل شيٍ لـه نهايـه وحـد = تعال نكتـب نهايـة صدّنـا والبعـاد
تعال واثبت خطاي ان كنت مخطي بجد =او اعتذر عن خطاك وخل عنك العناد
ياصاحبي وش نخلّي من خطانا ونعـد=دام الخطايا حقيقه في سلـوك العبـاد
اللي هرج لك هرج لي فيك واكثر بعد=وخلى الجروح القديمه كلبوهـا جـداد
حنا زرعناوتهنـا يـوم كـلٍ حصـد=زرع المحبه تـولاه الدّبـا والجـراد
شيطان نفسك يزين لك وصوته رعد=والبندق امعمّره واصبعك فوق الزنـاد
وانا تجهزت للهيجـا وعنـدي جلـد=عديت للحرب عدّتهـا وكـل العتـاد
جنودك جنود وجنودي للاهـوال قـد=يسعون للتفرقه يامـال ليـل الهجـاد
اترك سلاحك وكف الصلح ياصاح مد=وامد يمنـاي والخفـاق حبـه مـداد
لاتفتح اذنك لخلق الله وراع الحسـد=وعليك تاخذ اعلـومٍ صافيـاتٍ وكـاد
والرابح اللي توجـه للالـه وسجـد=وخلى ذلول الخطايـا باركـه بالقيـاد
[/poem]
