جهل إدارة روم النادي الأهلي في البالتوك

السلام عليكم ورحمة الله وبركاته

كيفكم أخواني وأخواتي الأهلاوية ؟

قبل 5 دقائق تقريبا يعني الساعة 4 و 43 ص فتحت البالتوك وكان معايا صاحبي سويدي مجنون بحب الأهلي طبعا انا اللي خليته يعشق الأهلي .... الرجال هذا اسمه ايمانويل .. تخيلوا انه انشأ حساب في البالتوك بإسم KingOfSweden 1989 وقلي فين روم الأهلي أبغى أتكلم مع المشجعين الأصليين اللي من السعودية .. قلتله اوك ودخلته على روم الأهلي وقلتله اكتب اللي تبغى اكيد في أهلاوية حيفهمو انجليزي .. يشهد الله على كلامي انه هذا اللي كتبه بالضبط ( I love this team more than anything in this life )
( I will be in love with Alahli forever )
بعدها انطرد على طوووووووووووول .. قلي ايش صار ؟؟ قلتله يمكن مشكلة في الإتصال حاول تدخل ثاني .. واتفاجأ انه مكتوب تم حظرك من هذا الروم لمدة 24 ساعة ...


رسالة لكل جاهل في هذا البالتوك ... مو عيب إنك ماتفهم إنجليزي ولكن العيب إنك تطرد شخص وإنت ماتدري عن شي .. الصراحة أنا زعلت فوق ماتتصوروا عشان من أول محاولة له في القرب من مجانين الأهلي كانت هذي النتيجة ................

وبعدين قولوا فينكم على البالتوك وليش ماتدخلون وتشاركون .