تجربتي بصبغ شعري عند العضوه mama21

مساء الخير

انا اليوم حبيت اني اشاركم ابتجربتي بصبغ الشعر مع mama21 خاصه بعد ما شفت مدح البنات المو طبيعي على شغلها
والله ثم والله ثم والله والله يشهد على كلامي انه تجربه صج

اول شي انا شعري قصير حييل لي فوق ارقبتي ، بني فاتح وانظيف ما فيه لا صبغه ولا شي كلش ولا حنه طبيعي 100 ٪
المهم قررت اني اصبغ شعري زيتي رمادي، توكلت ورحتلها واول كلمه قتلها ما ابي ثلجي او اشقر كلش كلش، طبعا بعد ساعه مدح ابشغلها وتواريني اصور توكلت وقتلها يلا

اشتغلت وبعد ٣ ساعات طبعا ساعه قرقه اول ما دشيت عندها وساعه قرقه بس خلقت قبل لا تستشوره يوم شفت النتيجه بغيت اموت، صابغته اشقر ثلجي :eh_s(2): تعب شعري حييييل ، طبعا ما يبين بوقتها لان ادقه سشوار وسيروم فيبين اوكي، انا حدي تضايقت من اللون لان ستايل
قديم بصراحه وانا كلش ما كنت ابي هاللون ، وقتلها ترى ما عجبني بس تمت تمدح واتقول كاهو زيتي ، الم ما حبيت اجادل ويينا عالسعر والا تقول 80 ! على شنو شعري قصييير وفاتح وانظيف، يعني ما عبت عليه. سحب لون ولا شي لو بالبيت مسويته جان ظبط،
والله يا بنات والله يشهد على كلامي انه شهر بس ورحت رديت صبغته بصالون ثاني اشحلاته ب 20 وما رح اقول وين عشانةلا يكون عبالكم دعايه حق صالون وكسره فيها، بس والله من حره قلبي على شعري اللي تعب عالفاضي وفوق هذا خذت مبلغ اكثر من فنادق اسعارها وعلى شنو ؟ الله يسامحها صج صج احرقت قلبي،

بنات والله لا تسمعون مدح اي وحده وتستعيلون ، اهي يمكن اوكي شاطره بالثلجي بس ترى هاللون صار اسهل شي والكل يسويه وابربع او نص السعر.

ععموم هذي تجربتي انا معاها ام عبد الرحمن ، وحبيت اشاركم فيها وبلنهايه القرار لكم