-
موضوع للنقاش ....حياكم
السلام عليكم*
شخباركم بنات. فديتكم بنات احلي منتدي*
يشهد الله اني احبكم في الله جميعا*
ادش بالموضوع اللي بصراحه من زمان خاطري اتكلم فيه ونتناقش *فيه كلنا وننتبه له*
خواتي الموضوع اللي بتكلم فيه * سالفه بيني وبين رفيجتي*
قاعدين نسولف فقالت لي انها منقهره وظليت اسالها ليش وشفيج ف صارحتني*
الموضوع اهووو
انه قبل فتره دقت *علي امها مره وقالت ذاكرين. لنا بنتكم وبنجي نزوركم نتعرف عليكم*
والام لما سالت وتاكدت انه بيجون يخطبون.*
رحبت وحددت يوم. واجووا الحريم*
المهم الموضوع اهو انه يوم جوا الام وبنتها تقولي دخلوا وتقهوا وهالحلوو. وهالسوالف*
تقولي كلامهم جنه هوشه*
يعني اعطيكم مثال الام تقول بنتي اخر العنقود هاذي قلبي *"تراها مدلعه*
تقول ترد ام الولد اللي جايه تخطب. * والله حتي ولدي قطعه مني مدلع. مو بس بنتكم*
تقول بموضوع الدراسه الام تتكلم علي بنتها ودراستها * *ترد ام الولدوالله حتي ولدي جامعي ودارس برا. *الكل دارس الحين. الكل دارس بالجامعات. موشي يديد وتقط نغزات عالبنت * *لانها جامعيه !!!!!
وشوي ولا تقول. والله انا ابي بنت ماتاذي ولدي *وتريحه وماتلعوزه*
والله انا ولدي يسكن وياي. ماابي وحده. تفرق بينا*
والله انا ولدي حيييل مزيون. وعلشان جذي انا تعبت ادور وحده مزيونه*
تقولي رفيجتي لاتشوفين نظراتها*
وكلامها*
ومداحرها لامي*
وكل ماتقول الوالده شي. ترد والله مو بس انتوا. * باي موضوع. *شي ينرفز*
انتي جايه خطبه ولا هوشه ......
من اولها جذي*
طبعا اختصر الموضوع اهما عجبتهم رفيجتي وقالوا. ردوا. لنا خبر. راح ندق بعد فتره. حددوها هم. *وثاني يوم البنت رفضت*
طبعا رفيجتي تقول انا كان ودي اقوم اعطيهم فناقر لبرا.*
تقولي الله ياخذهم. لو اهو تامر حسني. *موجذي يمدحونه ...هههههه*
انا مت ضحك علي سوالفها عنهم*
تقولي انا لو بوافق ثاني يوم ارتكب بامه جريمه*
ههههههه انا اللي بتكلم فيه واللي قهرني*
بموضوع الخطبات فيه حريم الله يهداهم *يدشون البيوت كانها. هوووشه مداحر. وشوفة نفس*
ويغثون. *ام. البنت ويضايقونها*
وبنفس الوقت ترا البنت هم ينكسر خاطرها والله*
وبهالموضوع انا بتكلم بالتفاصيل وبطلع اللي بقلبي وبخاطري*
امهاتنا اللي يروحون يخطبون *تكفون في شغلات مهمه انتبهوا لها*
اذا دخلتوا بيت البنت وماعجبتكم. ابتسموا بوجهها*
ماله داعي توضحون انكم ماتبون وتكسرون قلبها*
يعني مثلا في حريم اذا طلعت البنت كاشخه وقاعده. تقول الام. :مافي عندج غيرها*
طلعي باجي بنات. شدعوه *مو اثاث ترا *البنت لها مشاعر احترموا مشاعرها *
بصراحه حركه حدها مافيها ذوق
يعني البنت ينكسر خاطرها في بنات تقوم بسرعه تدش الغرفه*
وفي بنات تبجي وتتضايق*
يعني من البدايه دقي وقولي بشوف البنات مثلا اذا هم 2 قولي بشوف البنتين ولاتتكلمين جدامهم. كانهم بضاعه. حررام اعتبريهم بناتج. ترضين احد يكسر خاطرهم. *ويعقدهم. *ترا هالموضوع حساس حيل للبنات والله وياثر فيهم*
في شغله بعد تجي وحده تبي تخطب لولدها وتالي لما تقعد البنت * تقول لا بنتكم اكبر من ولدي. في بعد عندج بنات !!! **
خل ننتبه لهالشغلات خواتي. ترا اعتبري هالبنت. *بنتج. *تعاملي وياها علي هالاساس*
وبعد نقطه ثانيه
لاتجين شايفه نفسج. وتتكلمين بغرور. *واذا ماعجبتج البنت *تبين غيرها. وتطالعين بطرف عينج *ترا موسيلانيه بيتكم. بنت *طالعه ومستحيه وخايفه. تكسرين قلبها وتدقرينها بكلام *كانها ولا شي. *عيب والله*
نقطه ثالثه*
هذا غير انه في حريم يجذبون. *جذب مو طبيعي *
يعني ولدنا شغيل وموظف. * والصج واهو. ربادي. مايعرف يشتغل وقاعد بالبيت *عله علي قلب الابو. اهله يصرفون عليه*
*
وفي بعضهم والله ولدي مافي مثله مصلي مسمي. والصج *
اهو *خربوطي وسوابق واهما يخطبون له اهو *ب شقه!!!!هههههه
وبعضهم للاسف للاسف للاسف*
خرووف جدام امه وخواته. يعني تخيلوا يجوون يخطبون له وكل كلامهم لازم تسمع كلامهم البنت وتطيعهم ولازم تسكن وياهم *وماترفض لهم طلب ولاترفع صوتها. *لانه اذا ماعجبتهم. * بكلمه وحده منهم. *يطلقها*
تخيلوا الطلاق موبيده. *بيد امه وخواته وهالشي صار لوحده قريبه مني يتهاوشون معاها ماتعجبهم بموقف يجوون معصبين طلقها يعني الحل والربط والطلاق بيد الام والخوات واهو ريل بس بالاسم *
يعني ياامهاتنا خافوا الله هالبنات بناتكم*
لاتخربون حياتهم لاتكسرون خاطرهم لاتجرحون مشاعرهم و*
اذا بتخطبون خلي اسلوبج *حلووو. ابتسمي *للبنت اخذي واعطي مع الام بحدود لاتجرحين بالكلام وتزودينها*
وتغترين عالناس*
وتحسسينهم انج جايه تشوفين بضاعه*
والله اكون صريحه معاكم *انا هم خطبت لاخواني لما نروح لبيوت البنات*
كذا مره نروح لبنت عاديه*
وصج ينقال جمالها ومواصفاتها اقل من عاديه *ومونفس طلبات اخواني بس ابتسم بوجهها واسولف وياها واخذي واعطي واعتبرها اختي واساسا مرات نتواصل معاهم وبعدها نرد باسلوب حلو والله انتوا والنعم فيكم *بس مافيه نصيب وتشرفنا بمعرفتكم *طبعا نكلم ام البنت بالتلفون
الخلاصه هالموضوع بخاطري وحبيت انتناقش فيه كلنا 1:اذا حابه تناقشين بالموضوع حياج
2:اللي عندها موقف من الحريم اللي يخطبون تقوله لاتستحي موقف غريب او طريف حياج قوليه
*
3:
اللي لها موقف (( اهيا مره راحت تخطب لاخوانها وحصل موقف تقوله *
خل نشوف مواقفكم*
انا تذكرت موقف طريف. *خطبه صارت وياي *ناس جونا وقالو ياين من طرف حرمه المهم*
*
جت *لنا العيوز وبنتها وقعدوا جاي وقهوه وتحقيق سوالف مني ومناك المهم اطلبوا يشوفوني
وطلعت.انا
وعيوز تطالعني المهم انا جدامهم قاعده
وعيوززز تخزز. وتطالع بنتها اللي بعشرينات وبنت مفهيه*
وترد تخزها واهيا طنااااش*
جان تقرصها. وانا * فيني ضحكه وماسكه نفسي
جان. مااحس ولا البنت تطمر وتقعد يمي تلزق فيني*
وهات ياسوال عن الدراسه والوظيفه وماخلت شي*
وطايحتله خززز ويهي رقبتي صدري * ماخلت شي خز فيسها بفيسي وانا بقلبي اقول. *مو من صجج
انشالله مادشين بويهي اكثر ......
شوي ولا طحت عليها تخززز اصابع ريولي كااااااك الخزز وصل لريولي
وبعدها قمت دشيت الغرفه وطحت عالسرير وانا فاقده ضحك*
طبعا دقوا وسالوا بس ماوافقت *
*بعض الناس يضحكونج والله بحركاتهم ....
اللي لها موقف جذي تذكره اذكروا مواقف لكم *
واللي بتناقش الموضوع تتفضل
حياكم الله جميعا*
سبحانك اللهم ربنا وبحمد اشهد ان لااله الا انت استغفرك واتوب اليك )) كفارة لمجلسنا*
واتمني من المشرفات يخلون الموضوع بهالقسم
واترك*
المايك لكم ..... *
**
