كبة البرغل من مطبخي حياكم

http://www.monsterup.com/upload/1340630793697.jpg

نقعت 2 ونص كاس برغل اصفر لمدة نص ساعه او تخلينه ساعه الا ربع او ساعه يكون افضل بعد بماي دافي

وحطيت حوالي 300 غرام لحم مفروم

وبصله متوسطه

فرمت البرغل بالاول وبعدها حطيت البصله وبعدها الحلم وبعدها خلطت الجميع وفرمت مره ثانيه


http://www.monsterup.com/upload/134063079371.jpg


حطيت عليهم البهارات والملح

البهارت اخلطها علي جنب وهي : كمون ودارسين واشوي مسمار ناعم اللي هو القرنفل ...وفلفل اسود وبهارات مشكله .... تخلط مع بعض ونحطيها علي البرغل

وافرمها للمره الثالثه



http://www.monsterup.com/upload/1340630793607.jpg



وعجنتها بايديني بعد ما ابلل ايديني بماي بارد اشوي وراح تكون معاي بهذا الشكل

http://www.monsterup.com/upload/1340631094133.jpg

الحشو اسويها اثناء نقع البرغل والطريقه :

احط الحم المفروم لما يطلع مايه وينشف ازيد عليه اشوي دهن واحط البصل والثوم واحمس .... لما يستوي البصل ... احط البهارات : كركم وفلفل اسود وبهارات مشكله واشوي دارسين وملح واحمس مع بعض ... بالاخر احط الخضره اشبنت وكزبره .... واحمس اشوي واسكر عليها واخليها لما تبرد.... انا اهني حطيت اشوي كشكش او زبيب احبه مع الحشوه وممكن تحطون صنوبر وهالشي راجع لكم

http://www.monsterup.com/upload/1340631094292.jpg

وبديت اكبب ابل ايديني بالماي البارد عشان يساعدني لفرد العجينه... واحطه علي صينيه تدخل الفريزر عشان تجمع وبعدها اجمعها في كيس واحفظها



http://www.monsterup.com/upload/1340631094982.jpg



واهني قليت كم حبه .... في دهن ساخن وغزير وعلي نار وسط

http://www.monsterup.com/upload/1340631335641.jpg

وخلصنا كبتنا ....