كومبواري اخو دول مع فارق اللون

سبحان الله الموسم الماضي ضيعنا الفريق مع الدايخ دول علشان نعطي سعادته فرصه ويتعلم كيف يحقق البطولات على حساب تاريخ الهلال وعلى حساب حرق اعصاب جماهيره وماصدقنا على الله يقفلون عليه باب الطياره ويفارق حتى بعد ماراح ماسلمنا من لسانه وكلنا نعرف الخراط اللي افترى به على سامي واليوم الاداره تكرر نفس الغلط مع الفرنسي كومبواري مدرب عاآآآآآآآآطل يعني لاشغله ولا مشغله يعني الكوتش الجديد متكيء في شارع الشانزلزيه وفجئه يلاقي نفسه مدرب لفريق جاته فرصه على طبق من ذهب للفوز بالآسيويه ولكن من بعد ماجابت لنا الاداره هذا المدرب مانقول الا يازين مانويل جوزيه وياسلام لو نحافظ على كاس ولي العهد.

والله قهر من نص الموسم الماضي يعني من بعد ما طردوا دول وحنا ننتظر من هو المدرب الفلته اللي بنشوفه الموسم القادم واليوم جايين يقولوا مالقينا الا هالفرنسي فاضي ارضوا فيه والا بكيفكم.

الظاهر ان المفاوض الهلال مع احترامنا له مايفقه شيء كل هالفتره وماعرف يوقع مع واحد صاحي والدليل على فشل الفريق في المفاوضات اللت والعجن في موضوع ياسر الشهراني حتى ولو كان القدساويين فرع للنصر في الشرقيه بس مفاوضاتنا معهم حطمت الرقم القياسي سنتين وبالقوه جبناه اعاره.

اتمنى يطلع كلامي كله غلط ويكون المدرب كلام ثاني ولكن سيرة المدرب أي كلام حتى التعبان دول افضل منه ولعب لمنتخب المانيا اما هذا ...من ابرز مانعرفه عن هذا المدرب انه درب باريس سان جيرمان موسمين واكل خمسه وثلاثين هزيمه ورفع ضغطهم وبضغوط الجماهير قضبوه الباب ...مانقول الا الله يعيننا على الموسم الجاي.

قبل ما اخلص اكيد اللي مايعرفون في الكوره الا اسمها بيقولوا يا نصراوي روح منتداكم ولكن من الآن ماني راد على المطبلين للغلط.