-
رد على مسج سهم المنايا
الأبيات هذي لها مناسبة
البارح كنت في زياره للاخ الكايد وهو من مبطي وهو يعزمني
المهم جيت وقابلت الاخ العزيز سهم المنايا لأول مره
ولزّم الرجال ان اقلط عنده وكان الوقت مضايقني مره
تعذرت منه وهو كان عنده اشغال ولا هو بمتعشي معنا
وبعد ماراح بساعه ارسل لي بيت على جوالي يقول فيه
شف دلتي قامت تشره وانا اقول***يادلتي والله عزمته ولافاد
ورديت عليه بهذي الابيات اتمنى ان تنال اعجابك
واتمنى ان تمنعني من شرهة مفرح
اقول فيها
سلام ياحرٍ على الطيب مجبول***الصاحب اللي شوفته عيد الأعياد
جتني مراسيلك وانا حييل مشغول***ولاشك شفي في مراسيل الاجواد
قل للدلال اللي اتشره على طول*** علامها ماتعذر كبار الامجاد
قل للدلال اللي بها الهيل مجعول***ضيف الكرم يلفي على غير ميعاد
قل للدلال الضيف معزوم من حول***وان اخلف الموعد وطاه التنقاد
ياشرهة العاقل من العرض للطول***الوقت خالف هقوتي وشد الاوتاد
واما انت ياسهم المنايا فمصقول*** سيف على رقاب المعادين منقاد
تحياتي للجميع
الواثق
-
واما انت ياسهم المنايا فمصقول
................................ سيف على رقاب المعادين منقاد
هلا بك وسلم راسك يالطيب والله مرد جزل منك
وسهم المنايا يستاهل
واقبل محبة واحترام اخيك
شقران
-
اخي الكريم
ليتني كنت معكم لارى صروح المنتدى الراقي
تحياتي لك
صح لسانك
-
الواثق
اختيار صح للاسم واثق من امتاعنا بروعة ابياتك وقصيدك صح قلبك اخوي ملاااييين
-
صح لسانك ولسانه
ولا عدمنا عبق حروفكم
-
أخي الغالي ... الواثق
صح لسانك ..... يا مبدع
يعلم الله إنني لم أرسل الرسالة إلا لرغبتي بأن يتشرف البيت بحضورك ...
ولا تسألني كيف ولماذا كتبت هذا البيت ... فمعرفة الطيبين أمثالك .. يجبرون أمثالي على نظم القصيد فيهم دون شعور ....
أشكرك على ردك ... وانتظر زيارتك في القريب العاجل ...
لك أطيب التحايا ... من أخيك سهم المنايا
-
أرحب ياشقران
ولاهنت طال عمرك على تواجدك الرائع
تحياتي لك
الواثق
-
ياهلا ياغادي
ومرورك الكريم محل الاعتزاز
الواثق
-
ياهلا ياطيف الوله
وانا من المتابعين لما تكتبين
وحقا انتي شاعره رائعه
مرورك يسعدني
الواثق
-
صح بدنك ياعشق ليل
ولاهنت على مرورك
الواثق
-
ارحب ملايين ياسهم المنايا
والله لايهينك على تسطيرك الحروف الرائعه
تقبل تحياتي واعذرني وانا اخوك على التاخير انت ادرى بظروفي
اخوك الواثق
-
