عذراء ولكن . . ! ارجوكم محتااجة مساعدتكم

<div>السلام عليكم ورحمة الله وبركاته
والصلاة والسلام على سيدنا محمد اما بعد . .

اولا انا عضوه يديدة الحين سجلت عندكم ولكن كنت ازوركم واقرى قسم الاسلاميات لارفع معنوياتي وايماني بالله ولله الحمد ولكم جزيل الشكر

ماعرفت وين اكتب موضوعي ولكنني اخترت هذا القسم لاني حسيته اقرب لمشكلتي والنساء المتزوجات لهم خبره اكثر.

مشكلتي ماتخص الحب، مشكلتي تخص عفتي والعذرية ، وانا ماعندي غيركم اساله والجأ اليه بعد الله لانه مجتمعنا انتوا ادرى فيه والبنت صعب ومستحيل تروح لطبيبه نسائيه ، سامحوني على جرأتي لان لازم اكون جريئة شوي عشان تفهموني اكثر وبليز الله يخليكم حاولوا تفهموني لاني ماعندي غيركم الجأ له بعد الله سبحان الله
المهم
انا مراهقه وعمري مايتعدى 25 ، وعازبه، مثل اي فتاة يجرها الذئاب الى عالم ثاني تندم عليه بعدين، حبيت شاب عمره تقريبا ثلاثين وانا ذاك الوقت كان عمري 19 او اقل !!! ، وعن طريق الانترنت للاسف جرني الى طريق يشبه الزنا وهو ممارسة العادة السرية ، ولكنني لم اقم بعمل غبي وكل المداعبات كانت خارجيه وكنت عارفه في شي اسمه عذريه وغشاء بكاره ولكن مادري وين مكانه بالضبط ، (مع العلم اني في حياتي ماطلعت مع شاب ولا اختليت فيه يعني بس مريت بهالتجربتين ولله الحمد وماشاء الله اني عمري ماطلعت مع شاب) ادري اللي صار كبير بس وسواس الشيطان والحمدلله الحمدلله الحمدلله اني تبت من هالطريق وخلاص الله يثبتني يارب ادعولي بليز انه الله يثبتني ويستر علي، وامي الله يجزاها الخير كانت دايما تنصحنا عن هالامور ولكن بكلام سطحي ويناسب سننا بس انا السبب اني استسلمت لوسواس الشيطان، مع العلم اني تبت من هالطريق وخلاص ماعاد ارجع له ابد واني في حياتي مامارست الجنس الا بهالطريقه وخلاص تبت منه توبه نصوحه والله يثبتني ان شاء الله . في يوم من الايام ، عزكم الله واكرمكم كنت فالحمام، فجاة صار عندي فضول وابا اعرف وين مكان الغشاء اللي الكل يتكلم عنه وانه عنوان طهارة البنت وعفتها !! سامحوني بحاول مادخل في التفاصيل اكثر . . بديت اتحسس بيدي فالمنطقة الحساسه وعرفت مكانه بس وقتها مادريت شو هذا !! بديت اضغط شوي عالخفيف وحسيت كان شي تمززق وبعدها بثواني شفت بقطرات دم بلون وردي فااااتح جدددا :''''''((((((((( والله وقتها انصعقت قلت شو هذا ، اهني استوعبت ويالغبائي والله ذيج الفترة تمنيت اموت وللحين تخطر ببالي افكار سيئة اني انتحر او ارفض الزواج ولكن والله اتمنى الستر ابا اتزوج واستر على نفسي والله اللي صار لجهل مني ولسلوكي لذلك الطريق هو اللي حملني لهذه الفكرة . .

ارجوكم ساعدوني شو اسوي انا مستحيل اقدر اروح لطيبيه مستحييل ، والله والله اتمنى من قلبي اتزوج واستر على نفسي وانا هالفترة ماتتخيلون والله الحمدلله تقربت لربي كثييييييييير صرت اقيم الليل ووقفت الاغاني ماسمعها واستغفر واصلي على النبي عليه الصلاة والسلام وكلما حسيت بضيق لاي سبب افتح النت واشوف مواضيع اسلاميه وطرق الدعاء لاني اعاني من مشكلة اخرى لانه يوجد شخص ظلمني وانا انتظر نصرة الله، واستغفر الله كثييير عشان يغفر لي ذنوبي وبعدين يستجيب لدعائي، واتصدق كثير وفي قيام الليل اقرا سورة البقرة واحاول قد ماقدر اقرا القرآن ، مع اني واجهت الاستهزاء من خواتي ويقولن شفيج فجاة صرتي مطوعه وخلاص بس انا اسكت عنهم وبداخلي ندم وقهر عشان الله يستر علي وثانيا لاني مظلومه وانتظر الله ينصرني من ذلك الشخص

هالسر الوحيد انا ماخبرت احد فيه لاخواتي ولا امي ولا صديقاتي ولاااا احد حولي يدري سترت على نفسي ودورت في النت مايخص هذا الموضوع اذا كنت عذراء ام لا ، انا اعتبر نفسي طاهره نفسيتي طاهره وعفيفه صح اني كلمت شاب ولكن والله فالسوق دايما اصد عنهم كلما احد يرقم انا اصد عنهم ، صحيح اني كلمت شاب ومارست العادة السريه بس اشوف نفسي روحي طاهره لاني انا متاكدة هاي مش انا هذا كله الشيطان ، يعني يوم كنت امارس العادة السريه بعدها اليوم كااامل اصييييح واكون مهمووومه وندمااااانه اشد الندم لاني مارستها ، ضليت فترة اتوب لكن تضعف نفسي وارجع امارسها لكن ارجع اتوووب والحين يارب الله يثبتني على هذا الطريق والله مرتاحه لاني ماشاء الله تقربت لربي كثيييير، المهم يعني انا حصلت موقع في النت وشفت طبيب مادري شيخ يجاوب علي اسألة تخص هالموضوع وكثير من البنات يسؤلونه ويجاوب عليهم ، وانا قلت بسال لانه ماعندي حل الا اني ادور واشكي همي للناس في النت بعد الله، وطبيبة نسائية ماقدر اروح لها، قلت عن مشكلتي وقال انج عذراء بس والله خايفة احس اني مب بنت لنه اللي صار معي يقول اني مش بنت، وانا كشفت على نفسي بنفسي فالحمام يعني كشفت على نفسي سامحووووني والله مضطرة اوصف تفاصيل والله سامحوني بس اتمنى تقدرون وضعي . . شفت انه يوجد غشاء بس فالنص ممزق لانه حاولت اضغط بصبعي وبس وبعدها ماقربت من المنطقة اببببددددد . يعني يوم كشفت على نفسي شفت انه اغلب الغشاء موجود وهذا حسب معلوماتي اللي خذتها من النت وشفت انه اغلب الغشاء موجود لكن بس ممزق فالنص

وحصلت على رقم شيخ وقلت برسل له مسج عن حالتي وماقلت له قصتي مع الشاب قلت له انه الحادثه صارت لي لاني كان فيني فضول وفعلا هاي هي الحقيقة واقسم بربي اني ماجذبت بكلامي، فعلا كان بدافع الفضول لا اكثر . . المهم سألت الشيخ ان شاء لله الله يستر علي واتزوج هل اخبر زوجي بدافع اني اكون صريحه معاه ولا لا؟ قال لي لااااتقولين له ابددددا واستري على نفسك قالي الله ستر عليك لين الحين لين يومج هذا الله ستر عليج ليش تروحي وتفضحين نفسج خلاص دام الله ستر عليج انتي استري على نفسج
الحين طالبه منكم المساعدة وعندي اسألة ارجوووكم جاوبوني، هل اسكت وماقول لزوجي في المستقبل ان شاء الله لاني والله اتمنى الستر بعد كل هذا مابي ارجع لهالطريق والله اكره هالسلوكيات لكن هاذيج الفترة كان ايماني بالله ضعيف وماكنت قريبه منه كثر ما انا قريبه لربي الحين، شو اسوي استر على نفسي وما اصارح زوجي ولا لا؟
المشكله مش في اني اصارح زوجي ، المشكلة خااااايفه انفضح ليلة الدخله الله يخليكم شو اسوي، قريت في احدى المنتديات وحده نفس وضعي تقريبا ونصحوها البنات والمتزوجات خاصه انه في ليلة الدخله كل شي يمر بسرعه والاضاءة خافته تكون رومانسيه يعني بالمختصر ماراح يلاحظ ، قالت لها انه مو لهالدرجه يكشف عليها ويجيب اضاءة وحاله !!! :eh_s(2)::eh_s(2)::eh_s(2): >