مسافرات العيد الى لندن يتفضلون هني
يرجى الدخول هنا والمشاركة
عضوات منتديات كويتيات واذا يسمحون لي خواتي بالمنتدى افتح هالموضوع
هالموضوع خصصته لمسافرات العيد خاصة انها بدت التحضيرات من الحين ...
من موضوع الفيزاا الى اخر يوم التوجه لمطار الكويت . وادري شكثر تحبون لندن وبنفس الوقت
في بنات وايد اول مره بيسافرون لندن واتوقع يحبون يجمعون معلومات اكثر ..
هدف الموضوع التجمع وتبادل المعلومات والخبرات
نبدي الموضوع بشوية اسئلة لفتح المجال لاي عضوة تحب تطرح سؤال او استفسار او طلب
كل شي يخص لندن وتحضيراتها ... واكيد كل خبيرات لندن مايقصرون بالرد على اي استفسار
وانا بعد بدوري بحاول اجاوب واساعدكم باي شي يخص هالموضوع خاصة اني متواجدة في لندن ..
الاسئلة
س1 : قدمتي ع الفيزا وجم يوم طولت ؟
س2 على اي خطوط طيرات حجزتي ؟
س3 تاريخ الرحلة وهالشي اختياري طبعا الجواب عليه
س4 حجزتي فندق او شقق فندقية .... افضل مكان تنصحين فيه ؟
س5 مدة الاقامة في لندن وخاصة مسافرات العيد بتكون رحلتكم برمضان او خلال ايام العيد
س6 خطة السياحة في لندن شلون رتبتيها خاصة الي بتسافر باخر ايام رمضان
س7 من خلال سفراتكم السابقة للندن شنو تنصحين الي بيسافرون اول مرة ..
واي عضوة تحب تطرح سؤال يكون افضل حتى نتوسع بمجال تبادل المعلومة والاستفادة
مع تمنياتي بسفرة سعيدة للجميع
