خايفه احمل

السلام عليكم خواتي حبيباتي

انا اليوم كملت اربعين يوم من نفاسي الحمدلله
عندي بنت وولد بينهم سنه الا 10 ايام
في بنتي البجر رضعتها و يتني دورة النفاس لما كملت شهر وحملت بعدها بشهرين
الحين في ولدي قطعت رضاعه صارلي فتره و مايتني الدوره و خايفه احمل بصراحه اثنين كفايه علي في الوقت الحالي اللهم لك الحمد
شلون اعرف متى ايام التبويض عندي وانا توني والده و هل ممكن احمل اذا ما يتني الدوره
لا تقولولي حبوب انا فيني فوبيا من الحبوب لان خالتي اخت امي و ثنتين من خالات امي توفو من سرطان الثدي و خايفه ان الحبوب ممكن تأثر علي بطريقه سلبيه
اللولب الدكتوره قالت اركبه لج خامس يوم من الدوره اللي بعد الاربعين يعني بعد شهر تقريبا
والعزل ماتوقع ريلي بيرضى
طيب شسوي اقعد في بيت اهلي و ما اخليه يقرب مني

عطوني حل الله يرضى عليكم حدي محتاسه و احاتي