زواجي بيكون فاشل

انا مابي اسوي عرس او خطوبة يعني ابي احذف واحد منهم لاني اخاف
انه عرسي او خطوبتي راح يكون فاشل لاني قزمة بالبداية ومافي فستان
راح يطلع حلو علي وماعندنا اهل وايد يعني محد راح يجي عرسي وانا
انطوائية وامي بعد مانروح اعراس ولا مناسبات فاكيد محد راح يحضر العرس
فانتوا شرايكم انا وايد خايفة انه الكل يسخر من شكلي لاني طفلة وجهي بيبي فيس
وحجمي صغير ومافي رجال يحبني وللحين انا مانخطبت لكن اقولكم لو انخطبت
يصير احذف شيء من هالاشياء يعني يازفافي الغيه او خطوبتي وابي اسوي
حفلة صغيرة .. وماعتقد اني راح اكون زوجة مثالية او انه راح اربي عيالي احسهم
بيتعقدون من شكلي او انهم مابيوافقون اني ازورهم بالمدرسة بسبب شكلي
واذا مرضوا صعب اني اعالجهم لاني مب واثقة من نفسي انا اكتب لكم وانا ابكي

او اني راح انجب لاني الناس محتقريني بسبب قصري وشكلي الخارجي وصعب
الناس ياخذوني بجدية يعني اللي يشتغلون مايعطوني اهتمام لما اتكلم ومايساعدوني
ويشيلون اغراضي لانهم يحسبون اني توني ادرس بالمدرسة وماعندي راتب
وساعات استحي ادخل البنك بسبب قصر قامتي او اي مكان عام محد يعطيني اهتمام
ويخلوني انطر ساعات وباقي الناس يخلصون شغلهم وانا انطر ولما ادخل المطعم
مايعطوني المنيو ولما اختي الكبيرة تدخل يعطونها بصراحة انا تعبت ماعتقد اني
راح اكون بيوم ناجحة وعيالي اللي راح يجون مستقبلا احس انهم بيعيشون
بصعوبة معاي مع اني حنونة جدا وقلبي ابيض لكن اخاف انهم يطلعون قصار مثلي
ويمرون بالتجربة اللي مريت فيها وانا ماعرف ادافع عن نفسي او اتصرف
فخايفة عيالي اذا مرضوا مراح اقدر اساعدهم او اني اعتني فيهم واروح السوبرماركت
واشتري لهم حاجياتهم واخاف زوجي مايحبني ويطلقني من اول اسبوع ...