طبعا مثل منتم عارفين الاستراحات التي تستاجر من قبل الافراد الذين يقيمون حفلات زواجهم او احتفالات اخرى خاصة بهم وهي تستاجر باقل تقدير ب 12 الف الى 15 الف وتصل الى 20 الف
المواقع كثيرة والاحتفلات اكثر في نجران
التكاليف تقدر على حسب المبنى والارض
طبعاً الارض راح تستاجر من شخص اجار سنوي بعقد لمدة عشر الى خمسة عشر سنه
وخلنا نقول اجارها في السنه عشرين الف ريال تقريبا وله كل طوبه تنحط على الارض
وتكون الارض موقعها مناسب لاقامة حفلات الزواجات وغيرها
بالنسبة للمبنى راح يكون صالة ضيافه للرجال صاله طعام للرجال ودورات مياه ومصلى
وكذلك حوش كبير وللنساء صاله ضيافه وصاله طعام ودورات مياه ومغاسل
اكثر التكاليف راح تكون على الصالات
اغلب الاستراحه راح تكون حوش محصم
فرش واثاث بسيط وعامل نظافة
ماراح تكلف شئ وباقي التفاصيل موجوده عندي
المميز يا اخوان هنا اني انا ومن مثلي من اصحاب رؤوس الاموال البسيطه نطمع بالارباح
فنشوف المبلغ الاجمالي للاجار الارض والمبنى والتاثيث ونقسمه كأسهم على المشتركين
طبعاً ما فيه خسائر لانها مو مواد غذائية او بضاعه بمستودع
خلنا نقول كل واحد يدفع 5000 ريال
بالنسبة للارباح راح تكون فورية يعني اليوم اللي يتاجر فيه الاستراحه
خلنا نقول اجارها ب 15000 ريال تقسم على المشتركين بالحال دون تجميع
وبالنسبة للتاجير راح يكون على مرأى الجميع وكلاً عارف
لا احد يخاف ويقول ماحد بجاي يستاجر بالعكس اضمنها لك .. قول كيف ؟؟
لمن تكون الاستراحه فيها شراكة واسهم لعدد مثلا 20 شخص مثلاً
كل شخص من قبيلة معينه واي زواج لقبيلته او قريب له او صديقه بدله على الاستراحه
والربح للجميع
هذي فكــرتي لاخواني وبني عمي من اسرتي بس للاسف الشديد ماراح تضبط
لاننا لو صرنا من قبيلة وحدة ماراح يكون حجوزات كثيرة
بس لمن يكون العدد من كل قبيلة مختلفة تعال شووووف كيف الحجوزات
المهم ما اطول عليكم هالفكـرة مبدأية ودراستها وتكاليفها تحت الاجراء
اللي يبي يدخل معاي شريك في هالمشروع يتفضل
الادارة ماهي محصورة كل مدير لان الشغله ما تستاهل ادارة وواضحه مرة
انا الحين ابي اجمع قروب كامل لهذا المشروع
اللي يبي يرسل لي على الخاص ( أمبراطور دهن العود / أسواق ستي )
راح يكون فيه دفع رسوم اشتراك 1000 ريال بعد اكتمال القروب
وبعدها راح نسوي اجتماع ونتكلم مع بعض في كل شئ
الحين ابي اشوف وش رايكم
والمشروع مفتوح للرجال والنساء
تحياتي لكم / ابو عامر
