السلام عليكم بنات
حبيت اشاركم بخلطتي للشعر
علما بانني عروس و قاعده احط لكم تجاربي بعنايتي بالبشره و الشعر و كل ما جربته و فاد معاي راح اقولكم عنه
طبعا هالخلطه استخدمها مره الى مرتين بالاسبوع على حسب مزاجي :rerrerek:
مقادير الخلطه :
ربطة جرجير كامله تغسلينه و تنظفينه و تشيلين الاعواد منه و تحطينه بالخلاط
2 قفشه مايونيز
حبه افوكادة تنظفينها و تقشرينها و تقطعينها و تحطينها بالخلاط مع باجي المكونات
فص ثوم صغير واحد
قطعه زنجبيل تساوي قطعه الثوم
مجموعة من الزيوت اللي تفضلينها لا تقل عن 5 انواع زيوت من كل زيت ملعقه ( زيت جوز الهند - زيت زيتون - زيت الثوم ...الخ )
تخلطينها بالخلاط لما يصير عندج خليط متجانس تحطينها بعلبه و بعدها بالثلاجه
وقت الاستخدام :
تاخذينها معاج الصالون و تحطينها مع البخار
او بالبيت كالاتي :
تحطينها على شعرج من الجذور الى الاطراف و تملين الشعر بشكل تام فيها
تحطين القبعه الشفافه على الشعر او تلفين شعرج بالنايلون
بعدها تدخلين الشور .. تتسوين سنفره تتفركين كيفج بش بشرط ان لا تقل مدة الخلطه على الشعر 30 دقيقه ولا تزيد عن ساعه
بعدها تغسلين شعرج باي شامبو تفضلينه انتي و تحطين بلسم
و بعدها اذا كنتي تستخدمين امبولات للشعر حطيها
خلي شعرج ينشف بالفوطه و بعدها خفيف بالهوا نشفيه
و ان شاء الله اذا استمريتو على هالخلطه راح تحسون بفرق بالشعر من حيث اللمعان النعومه المظهر الصحي
ما اقولكم ان يعالج التساقط بالمره و يطول الشعر ... هذا مو سحر
مجرد خلطه صحيه تحافظ على الشعر
خصوصا اللي صابغه شعرها وايد راح تلاحظ الفرق
و شكرا
