فطيرة كيش بالجبنة و الريحان و الطماطم

بنات أبيكم تجربون فطيرة الكيش هاذي
فظييييعة و في أفضع بس أول شي أحب أجربهم و بعد التذوق و موافقة اللجنة :) يتم النقل
لتحضير فطيرة كبيرة لستة أشخاص
40 غرام زبدة سايحة
ربع كوب صنوبر مقطع
8 رقائق عجينة بقلاوة/فايلو
4 بيضات متروكة بجو المطبخ
160 مل ما يعادل ثلثين كوب قيمر
160 مل حليب
كوب جبنة موزاريللا شرايح
60 غ جبنة بارميزان إما قالب و تبشرينه شرايح أو العادي الناشف المبشور
ثلث كوب ريحان مقطع (لا ترصينه بالكوب علشان ياعطيج الكمية المطلوبة خليه عادي منفوش)
ملح و فلفل مطحون طازة
نص كيلو طماط الصغير
حبتين ثوم مدقوقة
ملعقة طعام زيت زيتون
الطريقة
ضبطي فرنج على 190 درجة و ادهني قالب سعة 20 سم بشوية زبدة
طشي الصنوبر على صينية الفرن و حمصيه بالفرن 3 دقايق لين يصير لونه ذهبي .. طلعيه و نقليه لطاسة و ردي الصينية مكانها للفرن
حطي عجينة البقلاوة على الطاولة و غطيها بفوطتين وحدة ناشفة عليها مباشرة و الثانية رطبة علشان لا ينشف أوكي؟
ألحين ادهني سطح فردة رقاقة بالزبدة و اطويها بس مو للآخر أوكي؟ ليش؟ علشان إحنا نبي نشكل قاعدة قوية لمحتويات الفطيرة و نخلي الأطراف رقيقة طالعة لبرة القالب أوكي؟ واضح كلامي؟
و نفذي هالطريقة على باجي الرقاقات بس لا تركنينهم على بعض مثل مثل إمشي بشكل دائري مثل عقارب الساعة علشان تشكلين القاعدة و حواليها الأطراف مكشكشة عرفتي الطريقة؟
ألحين شيلي الطبقات و نقليهم للقالب و رصي العجين تمام بالقالب حتى ياخذ شكله
كسري البيضات في طاسة كبيرة و خلطيهم بالخفاقة مع القيمر و الحليب تمام .. ضيفي الصنوبر و الأجبان و الريحان و قلبيهم .. ملحيهم و فلفليهم
صبي الخليط بقالب عجينة البقلاوة و دخليه الفرن و خليه 40-45 دقيقة أو لين يتماسك و يصير لونه بني .. طلعيه و خليه يبرد 10 دقايق
ضبطي فرنج على 220 درجة (فرني كان حده 220)
وزعي الطماطات في صينية فرن واسعة تستوعب فرنج و اخلطي الثوم مع الزيت و نثريه على حبات الطماط .. ملحي و فلفلي و بيدج اخلطيهم تمام و دخليهم الفرن 5 دقايق بس (إذا فرنج ما فيه درجة 220 خليهم بالفرن مدة أطول لين تجوفين الطماطات خلاص تفقسوا من الحرارة :))
طلعيهم من الفرن و خليهم يبردون شوي
ألحين شيليهم بالعدال بملعقة فيها فتحات طولية أو ملاس و نقليهم لسطح فطيرة الكيش
و بس :)
حطيها بطبق و قسميها على الأهل طريقة حلوة و جديدة

http://www.google.com.kw/imgres?q=ph...9,r:7,s:0,i:89