مصافحه اولى معكم (من كتاباتي)
[align=center]السلام عليكم ورحمة الله وبركاته
اخواني واخواتي
هذه اول مشاركه لي معكم في هذاا المنتدي
ساقدم بهااا بعض من قصايدي
اتمنى من الله ان تحوز على رضاكم [/align]
[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه صدري عوى ذيبه عوى عوى عوى=حتى سمع صوته جنوب المملكه وهو شمال
من علة تاكل بكبده ما لقا لهاا دوى=يجر صوته لين كف الصبح شوح بالضلال
وانت السبب يا معذبي غديت والدنيا سوى =لين اصبح اللي خابره عود لواه الصيف مال
عيفتني طعم الغذا وعيفتني شم الهوى=والهم يمسي بي خلا يرضيك ذا عندك عدال
يا من بقربه زانت الدنيا وظاميها روى = ليه القسى وانت الذي تدري صدودك لي زوال
اتنفسك في اغبيتك ويزود بي جمر النوى =شوق يقيد بداخلي فاحت على ركنه دلال
خِلك دخيلك من سبب هجرك تعذب وانكوى=متى تروف بحالته وتحن له يابن الحلال
ما دام في عينك شروق الشمس والمغرب سوى = وش عاد تطمع به بعد اتعستني فوق الخيال
في جاه رب خالقك حكمه على العرش استوى= لا تكتب اوضاعي قصص تروى على مر الليال
لا قلت لك تكفا تعال لا تقول لي مالك لوى = قلي هلا واجيك انا يـــا ســــيدهم عــــم وخــــال[/poem]
[align=center]ــــ[/align]
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مليت وظروف الزمان اتعبتني=وغديت لرماح النكاده نياشين
دعيتها الفرحه ولا عبرتني=اثر الفرح مع غيبتك سدد الدين
عشت بغيابك حسرة اذهلتني=منها نشب باضلاع مغليك نارين
يا فرقه يعلم بها الله بلتني=احساسها اقسي من ممات العزيزين
شامخ قوي غيبتك حطمتني=وانا اذكرك دون انكساري تموتين
خذتك عني غفلةٍ غَربتني=اجهل سببها من خبرتي لهااا الحين
والناس ما ترحم ومستنقدتني=ومن همي بعيوني نهاري نهارين
تسرف بي العالم حكي لا يمتني= وهذا الذي زود بي الماء على الطين
محد عرف حب نما تحت متني=يوم الغلا زلزل قلوب السلاطين
ايام هجرك ياغناتي برتني=بري السنين الحال بعض المساجين
ذنبي بري وسطوتك ظالمتني= ظلم اليهود باستباحة فلسطين
ومهابتي بين الجماعه نستني=من عقب ماحزت احترام الموالين
كن المهابه بنتهااا مجوزتني=واليوم كنهاا طالق بالثلاثين
وساوس الشيطان منك احرمتني=وخلت محبينك بعينك عدوين
يا قلبهاا عجل بهااا مسامحتني=تري الولع ما هوب لعبة وراعين
ان كان من كاس الوصل ما سقتني=ولا بلاش من الدواء والمداوين[/poem]
[align=center]ـــ[/align]
[poem=font="Simplified Arabic,4,deeppink,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وينك يا غالي حنيني زاد بغيابك= بعثر من العين عبره كنت صاينهااا
ولا شفتك افرح واغني ربنا جابك=ولا اقفيت ضاقت بي الدنيااا واماكنهاا
مليت اسامر نجومك واقرى بكتابك=واعلق الروح في وسواس جننها
اتخيل اني اضمك واتلوى بك= واشيل كفك على يمناي واحضنهااا
واتخيل اني فقير مات بثيابك= احسنت له ما دري بالسم داهنهاااا
دخيل عينك وكحل جمل اهدابك=لا تغيب نفسي ما بين ايديك راهنهاااا
لا شان وجه الزمن جيت اتحلا بك=دنياي في شوفتك تكمل محاسنهااا
لبيه من قلب نبضه زاد باسبابك= لا غبت ضايع وروحه انت موطنهااا
اموت في ضحكتك واموت بعتابك=حبك بعيني جميع الناس شينهااا
يا شمعتي حيل اقدر واحسب احسابك=صاين عهودك محال اتكون خاينهااا[/poem]
[align=center]ـــ[/align][poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه عيني توقد بهاا نار=والكيد يصلاها من النار صالي
والرمش بيده البكا وتعبار=وحالي تردى يا هلي شين فالي
اشوف نفسي صرت عرضه للاقدار=مثل النصع لا بندقوه الرجالى
ضاقت بي الدنيا الوسيعه ومحتار =وتمايلت بي من جنوب وشمالي
ودار الفكر والهم في داخلي دار = وجرت بالونه من اللي جرالي
يالله يا رحمن معطي وغفار = ياللي مسير الكون بآمرك تعالي
انك تروف بحال مبلي وصبار=سني صغير وشفت فيه الهوالي
جار الزمان وكل شيٍِ على جار = واظنتي واجهت فوق احتمالي
من الهوي والله ما شكي الامرار = ولا شكيت من المرض والعلالي
شكواي من وقت يقصر بالاعمار= همه وغمه زاورتني توالي
مل الصبر من كثر ما شوف الاعزار=دنيا نفتني من براد الظلالي
لا قلت في باكر نهايات مشوار = جتني ظروف سمها سم حالي
من حيرتي موذي اصابيع واظفار = حلي وربطي ما تعدى خيالي
عايش سجين الهم والعالم احرار = له فعل بين في عيوني خلالي
صبيت من همي على صم الاحجار = تهايلت منه شموخ الجبالي
صبيت من همي على بحر الاسرار = رحل وموجه ثاير باشتعالي
وشكيت وجه الشمس زادت بمعيار = نار سعايرهاا على اصطلالي
قسمت بعضه بين عمي مع الجار = ومن بين جدي مع بقية خوالي
عمي وجاري ما بهم واحدٍ سار = والجد من حملي غدى في هبالي
وحسيت في جسمي ثمانين مسمار=من طعنهن حسيت جاني زوالي
فالجوف جمره والمصارين ماء حار=عذاب ما يقواه عشرة الرجالي
حتى العسل طعمه على شفتي قار = والمر والقطران حلو زلالي
اشرور ذا الدنيا عليه لهاا ادوار =وانهكت في حيلي وعقلي ومالي
ما بين ياسٍ قد تلاحلم بوار= اسمع ندى للموت ذيبه عوالي
اسبح على بحر التعاسه والافكار = هذاا حصيدي من امور جلالي
مستسلم للهم مطرق ومسمار=ولامر بيده خالقي رب عالي
يذكر لي ان الليل يتليه الاسفار= وابطى على الوقت ما جا سهالي
احدٍ عطاه الوقت هيبه ومقدار=واحدٍ يدوسه مثل فرش الزوالي
لا صرت به حاكم ولا صرت به عطار=اصلا كما فالنار صفر الدلالي
والموت واحد والجزا عند ستار=والحق معروف بليا مثالي
وصلاة ربي عد ما تنبت اشجار = على النبي اللي بنوره ضوالي[/poem]
[align=center]ـــ[/align][poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله يصبرني على ليل التوجد والسهاد=من وين ما طالعت شفتك حايمٍ حولي تجول
والمشكله عودي نشف والحظ شيب بي عناد=على مسافات الرجا واليوم كنه صرف حول
ان جيت باشرح للملا قصة عذابي والحداد=عن شي يسمونه فرح مالي على شمه قبول
صديت من حظي الردي ثم جدت اجروح جداد=قمة تعاسه ما بها منسم على كل الفصول
يا معذبي وشوق يرسم من تحت عيني سواد=ولا اذكر الا شي واحد إني لشوفك عجول
احيان احس الروح قشرى في طراد وفي جهاد=من بين ربي يسعدك والثانيه مقدر اقول
والقلب باقفال العنا قِفل ولا غيرك مراد= والهم متر خافقي تمتير في عرضٍ وطول
لا من ذكرت آخر كلامك قلت ما عاد به قعاد=واذا ذكرت اوضاعنا تكسرت كل الحلول[/poem]
[align=center]
وسلامتكم
اتمنى اني لم اثقل عليكم وان ما اخترته لكم
يرقى إلى حُسن ذوقكم
اجمل التحاياااا
اخــــــوكم
//
محمد العجمي[/align]
