عــــــــاجـــــــــــل للمصداقيه

اغنام - ابل - دواجن - طيور

السلام عليكم ورحمة الله وبركاته :
أسعد الله جميع أوقاتكم بكل خير وسرور:
أخواني أعضاء وزوار منتدى أغنام :
حبيت اطرح لكم موضوع عن الصناته المشهور أبو خالد الجهني بصراحه ماعرفت عن الرجل هذا أي معلومه إلا عن طريق المنتدى وكلمت الرجال وطبعا الأخوان طارحين تجربتهم معاه والسعر كان محدد بقيمة الـ 1500 ريال كل اللي تعاملوا معه وفعلا يوم كلمته قالي نفس السعر واتفقت انا وياه على أن يزورني بمزرعتي بالقصيم جنوب غرب الرس بحوالي 30 كيلو وقعدت مع الرجال سنه كامله ياخوان وهو كل شهر الشهر الجاي واتصل علي مره وقال انا بالدوادمي وراح اجيك بكره وقالي السعر تغير لـ 2000 ريال المهم حاولت معه ورفض الا بالمبلغ الجديد وقالي انا مريض بالسرطان ومحتاج للمبلغ واتفقنا على المبلغ الجديد الـ 2000 ريال وبعدها كعادته سحب على الموعد وحاولت الإتصال به ورافض يرد بعد حوالي شهرين رد وبنفس شينه وقال تبي اجيلك بــ 5000 ريال وبعد مشاده كلام بيني وبينه قال ماراح اجيلك الا بــ5000 المشكله مكلم اصحاب مزارع معي حوالي 15 رجال وكذبني قدامهم كل شوي بمبلغ تناقض بالكلام وبتحديد السعر .
حبيت اطرح الموضوع للتوضيح المنتدى صرح شامخ وأعتقد كل من فيه اهل مرجله وناس عقال ولايرضون لشخص مثل هذا التلاعب على الناس لكن حسبي الله والنعم الوكيل عليه .
وبإمكانكم الاستفسار من الشخص نفسه
وأنا مسؤول كل المسؤليه عن اللي كتبته
أخــــــوكم ( إبن نجد ) فيصل الحربي
القصيم الرس
جوال رقم 0599915162
اتمنى من إدارة المنتدى الموقره الوقوف بوجه من هم على شاكلة هذا الرجال وعدم السماح له بالتلاعب على المواطنين عبر هذا الصرح الشامخ