جــــــــــــــــــــــــ ـاوبيـــــــــــــــــني
السلام عليكم
اعود اليكم مجددا قادما بعبير الالم الذي صنعته حياة الحب العفيف البريئ
فهاهي الظروف تفرض نفسها وتقرر الوداع مصيرا لنا
لن اطيل عليكم .
جاوبيــــــــــــــــــــ ــــــــــــــني
[poem=font="Andalus,6,orange,normal,normal" bkcolor="transparent" bkimage="backgrounds/28.gif" border="double,4,darkblue" type=3 line=0 align=center use=ex num="0,black"]
ابسألك يابنت في معنى ومغزى كلمتين=ابتغي فيها الوضوح اللي تنافيه العتامه
بأسألك والقلب واثق انك انتي تعرفين=وابشري بالعهد منّي ما تشوفين الملامه
جاوبيني ليه عن عيني بديتي تبعدين=بأسألك ليه الوفا يرخص وينزل من مقامه
ليه غيرتي كلامك ليه صرتي تكذبين=ليه صار اغلب كلامك صوب محبوبك شتامه
ليه صرتي بالمشاعر ياعذوله تلعبين=من عقب حبّه تغيرتي ودورتي خصامه
هل نسيتي؟ ام تناسيتي؟ او انك تجهلين ؟=انك انتي من نصا ياسر ودورتي غرامه
في غيابه كان حالك يرتسم في دمعتين=وان وقف قدام عينك تكرمينه بإحترامه
كان فارس في نظر عينك، بغيرك مستهين=كم تغنيتي بوصفه وافتخرتي في لثامه
في حروف اسمه غديتي شاعره تتغزلين=قلتي الله كمّله واعطاه ملبوس الشهامه
واعترفتي ان قلبه بالوفا عاش السنين=وانك انتي منيته وانك بهالدنيا مرامه
اذكرك وانتي بحضني من حبيبك تستحين=يوم ناظرتي عيونه ماتحملتي سهامه
كانت الدنيا سعاده، تضحكين وتمرحين=ياسر اللي غيّرك وانهى تناهيد اليتامه
علمك اسلوب عشقه وابتديتي تعشقين=كنتي ايامه وحلمه ، تاج راسه والعمامه
كنتي البلسم لروحه في حنانه تسبحين=والله انه في غيابك ما تهنّى في منامه
آآآه ياذيك الليالي،آآآه ياظلم الحنين=آآآآه ياصقر الجنوب ان كان تفتك بك حمامه
عاش قلبي يا حياتي من عقب هجرك حزين=ليه يابنت الوفا ماعاد رديتي سلامه
اعشقك وادري بعشقك والمحبه والأنين=واعترف انك على غصن الامل كنتي خزامه
واشهد انك في وسط روح المشاعر تسكنين=قالها ياسر وياسر ما تراجع في كلامه
لا تضنيني اريدك بعد هذا ترجعين=ادري انك روح روحي مير انا عندي كرامه
انتظر منّك إجابه ودّ ياسر تشرحين=لا تهابين انتقامي، صبر ياسر انتقامه[/poem]
وســـــــــــــــــــــــ ـلامتكم
اعتذر عن الثقل في غالب الابيات لان القاف كان صعب
وشكرا
