حلم مطلقه !!

السلام عليكم ورحمة الله وبركاته
حبيت اشكر الاخت دلع العتبان واختها مفسرة الاحلام على مجهودهم الطيب وجزاهم الله خير
انا بنت مطلقه عمري 21 وانتهت فترة عدتي صارلي خمس اشهر والحمدالله على كل حال
حلمت وانا نايمه على ايدي اليمين
الحلم اني كنت في بيت مادري بيت منو بالاول وكان في صاله بالدور الثاني عاديه و لمن دخلت الصاله لقيت سفره طويييله وفيها صواني عيش ولحم (ذبايح) وكان في حريم واجد قاعدين عالسفره وعلى يمين السفره عماتي ثنتين كانو لابسين عبي وكانو مستانسين وحاطين مكياج ناعم مال حفلات وبنهاية السفره كان في مره كبيره بالسن ويمها مكان راهي وكان المكان لي فانا لمن دشيت وشفت عماتي والمره الكبيره استانست وكنت لابسه نفنوف ترتر ذهبي طويل وشويه وسيع وكنت رشيقه اكثر وصدري وجتوفي مغطيين بتور بس ايديني وزنودي طالعه وكنت كاشخه جنه في عرس بسيط وانا الوحيده كاشخه و شفت المكان الفاضي والمره العجوز قاعد ترتب العيش اللي بالصينيه بيدها وانا لمن شفت ايدها واهيا ترتبلي العيش لاني دشيت استانست وقعدت وكليت من العيش بقفشه لقمتين وكان لذيذ وبعدين راحو الحريم نزلو تحت وفضت الصاله وضلو امي وخواتي وام طليقي قاعدين ويبتسمون وانا استوعبت ان بيت اهل طليقي ودخلو خواتي طليقي المتزوجات اهمه ثنتين وكانت وحده منهم ماسكه جاهل عمره سنه وشي ويمشي معاها انا رحت من الوناسه ومسكت الولد وقاعد ابوس فيه والمه واهمه ماسلمو علي جنه موعاجبهم الوضع وقعدو لاسلام ولاكلام وانا رحت لهم قلتلهم شدعوه ماتسلمون وانا مبتسمه وبعدين سلمو علي وانا قاعد افكر طليقي وينه وبعدين راحو كلهم تحت وفضت الصاله اللي فوق وتغيرت هدومي وكنت لابسه بنطلون الكامل مع علاق وجاكيت اسود وكان مرتب شكله طلعت من الباب علشان بنزل السلم ولقيت اخت طليقي الثالثه وكانت ماتتكلم ولاتسلم انا مشيت ونزلت السلم جان اسمع صوت عمي ( ابو طليقي ) يكلم الموجودين معاه بالصاله داخل وكان كلامه جنه جد وكانت امي وخواتي معاهم ولمن نزلت وبدخل الصاله اخت طليقي الصغيره واقفه
عند الباب وقالتلي ان خوانها داخل يعني لاتدخلين بهاللبس فانا رديت صعدت فوق ولقيت جناطنا بصاله ثانيه وفتحت الجنطه مالت الهدوم وطلعت الدراريع العاديه مالت البيت وقعدت اقيس لبست الاولى كان لونها اسود باوفوايت بس كانت قصيره علي مقصمله وجمومها كذلك فصختها وطلعت دراعه ثانيه بس مالبستها لانه لونها اوفوايت وقلت انها تشف الجسم وتبين ملابسي الداخليه فمالبستها وطلعت الدراعه الثالثه وكان لونها وردي يفتح النفس وشلت الليبل اللي عليها وقلت هذي بتعجب طليقي لبستها وكان مقاسها حلو وطلعت من الغرفه اللي انا فيها ولقيت ام طليقي وامي وخواتي قاعدين امي وخواتي عالقنفه وام طليقي قاعده عالارض ومستانسه وتقول لامي امانه عليكم تنامون عندنا اليوم لان الساعه صارت 2 او 3 الفجر وانا استغربت واقول بقلبي وين ابوي وليش ينامون هني وانا امشي بالصاله طليت على باب ثاني اللي يم السلم ولقيت صاله وبالوجه مباشره باب شقتي ويمه باب خارجي علشان نطلع منه انا وياه من ورا مو جدامهم واستانست وسلامتج يالغاليه
ولمن قعدت من النوم ولله الحمد حسيت بشعور روعه بشكل لايوصف والحمدلله
ارجو ان يتم تفسير حلمي واسفه على عدم الاختصار لاني ماعرف اختصر