اللي تعرف انجليزي واتعرف للمواقع وخبره بالمستشفيات تساعدني والله يرزقهامن حيث لاتحتسب

السلام عليكم ورحمة الله وبركاته
اسال الله العلي القدير اللي تكون في حاجتي وتساعدني ان الله يرزقها من حيث لاتحتسب ويسهل امورها ويكون في حاجتها مثل ماكانت في حاجتي وانا اخت لكم فالله

قبل ما اقول موضوع ابي اقولكم ان مغتربه عنكم وعن اهلي وعن ديرة احبابي واللي زاد الطين بله انه من ايام في الديره اللي انا فيها تم حجب موقع كويتيات وما قدرت ادخله الا بعد مانزلت برنامج بالايفون يفتح المواقع المحجوبه والله يا بنات اني ضايعه ومانزلت البرنامج الا عشان استفزع فيكم ولا لي غير ديرتي وديرة احبابي

الموضوع:
زوجي امقررين عليه عملية لدوالي الخصيه ومو راضي يسويها المهم وافق عقب عناء لكن بشرط انه يسويها بره يعني لابالخليج ولا بالوطن العربي
ادري بتقولون عمليه سهله وتذكرولي دكاتره زينين بالكويت او الوطن العربي وتذكروني تجارب نجحت فيها العمليه
لكن ماكوووووو فايده زوجي ماراح يسويها الاااا بالخارج
وانا متخبطه ابحث وماعرفت سالتلي دكتور استشاري في عقم وذكوره قالي امريكا
بس اهو دارس بامريكا اخاف ماعنده درايه وشيرلي
وبصرااااحه خايفه علا زوجي

لذلك اتمنى وحده اتساعدني والله يوفقها والله ما انساها من دعائي بظهر الغيب
ابي افضل دكتور وافضل مستشفى ويكون بالخارج لعمل العمليه ووين المكان والعنوان وشنو الاجراءات اللي لازم اسويها انا مو ذاك الزود بالانجليزي وصعبة علي المهمه حيل
اسم العمليه(قصطرة لدوالي الخصيه)


بانتظار ردوووودكم لاتنسوني