يالمعاني اخضعي لي بالقصيدة واطربي .....<><>
[align=center]السلام عليكم ورحمة الله وبركاته ..
حبيت أشاركم بهالقصيدة الجميله للشاعر مشاري المري ...
انشالله تعجبكم مثل ماعجبتني ..^__^..
[poem=font="Simplified Arabic,4,white,normal,normal" bkcolor="transparent" bkimage="backgrounds/26.gif" border="groove,4,purple" type=0 line=0 align=center use=ex num="0,black"]
يالمعانـي اخظعـي لـي بالقصيـده واطـربـي= خافـق نبظـه عنـاد وشـوق لديـار النـزيـه
ويامهـار القـاف طلبـه لا تصـديـن العـبـي=بالمعانـي لعـب طفـل بيـن عمـانـه وأبـيـه
شوفـي الهاجـس وشوقـي والتوجـد وتعبـي=وافهمـي حالـي وحالـي واظـح منـه وفيـه
جاتنـي أم العيـون الدعـج مـدري وش تبـي= عجله خطاها مثـل مـن شـاف شـي مشتهيـه
شفتهـا ثـم فـز قلبـي وأرتعـد كنـه ظـبـي=فـز جافـل يـوم ناظـر زول قنـاص يبـيـه
واعتزيت وقلت يابنت أرحبـي ..ثـم ..أرحبـي= ودمعـت وأقفـت وقلـت أفـا يابـنـت لـيـه
كنت أهوجس في بويـت وسـط قلبـي مختبـي= لكن الجفـن الحزيـن أتلـف خفـوق محتويـه
قلت يابنـت الرجـال أخـت المشاكيـل أقربـي= علمينـي وش جـرى والدمـع يابنـت امسحيـه
قالت أبشر .. ماهقيت أن الذي قـد صـار بـي= من قرايـب بينـو لـي بالزمـن سبعـه وجيـه
صـرت كنـي نخلـه تثمـر ولاذيـق رطبـي=ليـن عـود عذقـي لتمـري وعذقـي يحتميـه
قلت وش قصدش وقلت صمتك ارجـوك طلبـي=قلت .. قصدش وقطعت هرجي وقالت ..ايه ..ايه
قلت عـن درب الـردى يابنـت حـوى جنبـي= طاوعيني والسفيـه ان قـال مـا قـال اسفهيـه
طاوعينـي وأزعلـي لاصـار طـرب وجربـي=واظحكـي لا صـار زاعـل وان تكلـم همليـه
وسكتت ثـم قلـت ..طلبـه ..لاترديـن طلبـي= اضحكي لي سعد أبو من صار جدش من ذويـه
وضحكت كنها صغير خـاااف ثـم صـد يحبـي= والتفـت يظحـك ويلعـب يـوم ناظـر والديـه
وأنظرتني نظـره اللـي لاذكـي .. ولا..غبـي= نظـره الدالـه وقالـت .. افهـم افهـم يانبيـه
ماهقيـت انـه يغيـر لهجتـي رجـل اجنـبـي= لين جاني من عسفنـي حسبـي الخالـق عليـه
من بعد ما كنت أقول ..أبوي صرت أقول ..ابـي=والبلا ان كتفه علـى كتفـي وكفـي فـي يديـه
قلت منهو .. قالت انت ومـا فطنـت الا ركبـي= ترتجف حتـى بكيـت وقالـت.. المـري شفيـه
لا الـه الا الــه الـكـون ومحـمـد نـبـي=جملـه رددتهـا ثـم قلـت قلـبـي أرحمـيـه
قالت ابشـر يابعـد روحـي وربعـي وعربـي= مايوصـى مـن تعنـى صـوب شـي مهتويـه
وأعرف ان حالـي ومالـي والنواظـر وذهبـي = ودهـا يـا ودهـا مـن جـد عمـرك تفتـديـه
وأعرف اني فـدوه لـك مـن عيونـي لكعبـي= وأمر ولك مـن هـدب عينـي وعينـي ماتبيـه
قلـت انـا كـان العـذارى مبلشينـش اشطبـي= بأصبعش كل العـذارى وأصملـي ثـم حاربيـه
يافديت أمش وأبيـش وجـد جـدش انشبـي = وسط قلبي واعرفي لـه وأرفقـي بـه وأحتميـه
والله اني ضو تصلـى وأنـت يالتـرف حطبـي= شي يكمل شي دون الشـي الأول مـن يبـه ؟؟
قالـت النـاس تحكـي بـك يالجـواد اليعربـي= قلـت انـا باقـول بيـت لاحكـو بـي ردديـه
والله أنـه مايوطـي رمـش عيـنـي وشنـبـي = بيـن ربعـي والنشامـا قـول يابنـت السفـيـه
ونظرتني نظره اللـي لا ..ذكـي ولا .. غبـي = نظره الناسـي وقلـت ..العلـم يابنـت أفهميـه
مشاري المري[/poem]
انشالله في الأيام الجايه راح انزل قصيدة من قصايدي مع اني داريه ماراح اوصل لمستوى الكبار
أبد أبد .. بس مجرد محاولات ...وتنفيس ^___^...
تحيتي لكم / مشااعر حالمه ...[/align]
