اللي يبي يعرف شصار على مرت رفيج ريلي اللي باطه جبدي
اللي يبي يعرف شالسافه هذا موضوعي الللي قبل http://www.q8yat.com/t1067574.html
اللي صار اني انفجرت و انا اطوف قعدت وياه و قتله اشكره انا مابيك ترد عليها
اول شي قالي انا متضايق كلش مو مرتاح و اكثر من مره احقر و اقط نغزات بس ماكو فايده
قتله ما فيها شي قولها لا تدقين :rgewrg:
نعم وين قاعدين !!!!!!!!! قتله ترضى انا ادق على رفيجك من وراك و اتشكى عنده :rgewrg:
فجآه عصب و قلب السالفه علي
يقولي شنو شايفتني ما اخاف الله اكلم مرت رفيجي و لا ما استحي
و قلب السالفه ان انتي شلون تشكين فيني و انا لو مو نظيف جان ما قتلج و سويت الشي من وراج
و صارت سالفه و قلبها ان انتي تشككين فيني
و مد البوز و مسوي روحه مطنقر
كل سوم يرجع من الدوام ينام و اذا قام يطلع ما يرجع الا بالليل
و ما يدق و لا يسآل و لا راضي يسمعني
و انا منقهره قلب السالقه و طلعني انا الغلطانه * :eh_s(2):
و جم ليله ما انام من القهر ... قررت اني ما راح اخلي بنت ابليس تخرب بينا :rgewrg:
انا اعلمها :eh_s(14):
اول ما طلع دقيت عليها و ترد علي بنفسيه !!!!!!!
قتلها زوجي يقولي ان في مشاكل بينج و بين زوجج ... عسى ما شر؟
جان تنصدم!!!!! الظاهر ما توقعت اني ادري عن خمالها
بكل وقاحه جا ترد و تقول شلون ريلج يطلع اسرار بيوت الناس !!
تقول بكلمه و بطلب منه اموري الخاصه محد له حق يعرفها
انا انصدمت @@
هذي مينونه؟؟؟؟؟؟؟؟؟ تدق تطلع خمال بيتها و بعدين تقول محد له شغل
المهم جان اقولها ان ريلي ما قالي شنو صاير بس يقولي انج تدقين عندج مشكله >>> يعني اشكره ترى ادري عن خمالج :eh_s(14):
قامت تصرخ و تخربط و انا منصدمه شلون في ناس وقحه جذي
جان اقولها سمعي يا فلانه انا مالي شغل شيصير بينج و بين زوجج بس لو سمحتي لا تتصلين على زوجي >>>>>>>>> بطيتها اشكره :rgewrg:
جان ترد على و تقول هالكلام قوليه حق زوجج انا شكو ... @@
قتلها نعم شتقصدين؟؟؟؟؟؟ قالتلي خل هو يقولج و تقولي انا مشغوله و مو فاضيه و ترقه السماعه بوجهي
انا عصبت!!!!!!!!!!!!!!! :eh_s(14):
اول ما رجع من الديوانيه ما قدرت اتحمل انفجرت و قمت اصرخ
هو منصدم مو عارف شصاير من القهر قمت ابجي و انهرت
ما قدرت اتكلم من القهر و انا من زمان هالموضوع مضايقني و ردها قهرني زياده
حاول يكلمني بس ما قدرت يتني حاله من القهر انهرت :eh_s(2)::eh_s(2):
اول ما هديت قتله اللي صار بالظبط و جهه قلب و عصب :eh_s(14): بس مسك اعصابه لان شاف حالتي
قالي ماراح ارد بس هاج موبايلي و انتي شوفي المكلمات و جم مره تتصل و نا ارد و اقري المسجات اللي احقرها
و طلع مادري وين راح و انا منصدمه من الموقف كله
قعدت اقرى المسجات انصدمت صدمه حياتي و الله يا بنات ما توقعت في حريم بهالحقاره
دازتله مسج (الله لا يحرمني منك ... ان فعلا رجل) @@
مادري شقول و شخلي بس بختصر لاني حيل طولت عليكم
انا ليلتها ما نمت و لا ادري هو وينه لان خلى موبايله و طلع
صار الصبح خذيت ولدي و رحت بيت اهلي لان نفسيتي كانت صفر و احس لو قعدت في بيتي زياده راح اموت
سكرت موبايلي و نمت ما قعدت الا العصر ... اول ما فتحت موبالي و لا زوجي داز فوق ال 10 مسجات
رديت عليه قتله انا تعبانه و بقعد في بيت اهلي كم يوم ...
بنات مادري شقولكم بس يومها حسيت ان دنيتي انقلبت انا طول عمري واثقه بزوجي بس كلمتها و اسلوبها مادري ليش عفسني :eh_s(2):
حسيت الدنيا ما فيها امان :eh_s(2): مع ان زوجي مسكين وقف وياي باصعب مواقف صارت لي و احبه اكثر من نفسي
بس شعور ان ممكن يكون خايني مع هاللي ما تستحي عفسني فوق تحت :eh_s(2):
قعدت افكر منو اشكيله :eh_s(2): امي توفت من فتره قريبه و اخي مسافره مع زوجها يكمل دراسته و مابي اضيق
خلق ابوي و بنفس الوقت مابي اقول حق احد ما اوضاها على زوجي اخاف اكون ظالمته و بنت ابليس لعبت بحسبتي :eh_s(2):
اللي صار ان زوجي ياني بيت اهلي و قتله مابي اتكلم هني نابي ابوي يحس فيه شي انا قايلتله ان بيتي فيه عمال
ركبنا السياره و انا احس من كثر الهم ماني قادره اتكلم :eh_s(2)::eh_s(2):
قتله انت تكلمها؟؟؟
سكت و ما رد
قالي مادري شقولج بس ما هقيت انج تشكين فيني .... قتله لا تلومني انت ما سمعت نبرتها شلون تتحداني
صار شد بالكلام و قعدنا فوق ال3 ساعات نتناقش ... اخرتها حسيت اني ظلمته بس بنفس الوقت في شي داخلي منجرح من المسجات اللي قريتها :eh_s(2):
شرحلي ليش هو ساكت يقولي اخاف اقول حق رفيجي يا اخرب بيته يا اخسره و حجي واااااااايد
بس احس انا للحين تعبانه و يبيلي فتره عشان انسى هالمكالمه و السالفه كلها :eh_s(2):
