أهلاويات للاعبينا الفلتات ... نقاط جدية ومهمة بأسلوب أدبي ساخر..

بسم الله الرحمن الرحيم

الحمد لله والصلاة على رسول الله..

أولا: الكابتن العظيم السيد الموقر محمد مسعد أتمنى يحطوه عضو شرف ماسي ما دام ميتين فيه، أو أي شيء مهم إن شاء الله يملكوه النادي كله، أهم شيء يكون خارج المستطيل الأخضر. لا أحد يقول لي: تحطيم وتهشيم...هذا شايب وفاهم كورة ويعرف أثره السلبي على أداء الفريق...كفيت ووفيت وسلم على خالد!


ثانيا: حبيبنا صاحب الموهبة الملفتة وليد با خشوين أقول له: شوف حبيبنا أنت لاعب موهوب ومحور واعد جدا، لكن قدامك واحد من ثلاثة حلول: يا إما تبطل خشونة وتحرم تأخذ كرت لمدة ثلاث سنوات علشان تتأسس صح وتكون من طينة الكبار، يا إما تشتري لجنة الحكام، وتحط أصحابك حكام علشان ما يقولوا لك شيء، يا إما تجيب معاك خشبة قمطة عجرا المهم أنك تأخذ الأحمر على شيء يستاهل، وتخيل إنك تقاتل النصيرية في سوريا!



ثالثا: منصور الحربي الله يبارك لك يا ولدي أنت أفضل ظهير في السعودية حاليا ماشاء الله تبارك الله... لا تشوف نفسك بس لازم تعرف أنا نقدر الحرق اللي تقدمه في الملعب طوال الموسم...الله يوفقك ويكفيك الشر.


رابعا: تيسر الجاسم قدامك يا كبيرنا حوالي سنتين نبغاها تكون تاج مسيرتك المشرفة...لكن شوف لا تخلي مستواك ينزل ويجون ربع شبيه الريح الناقضة للوضوء ويلعبوا عليك... وخذها مني: إذا ما حطوك كابتن للفريق وبصلاحيات واسعة لا تدق الكورة عندهم وقل جاني أبو وجيه في ركبتي، ولا يفكه إلا ربطة على ذراعي فيها حرف سي كبتل!

خامسا: كامل المر الأن عرفت ليش سمّوك المر مع إنك عسل... تدري ليش؟ لأنهم شافوك في التغطية الدفاعية والارتداد... لو شافوك في الهجوم سموك كامل السكر... وصلت الرسالة يا الغالي؟

سادسا: عبدالرحيم الجيزاوي الله يبارك لك، أخيرا أنفكت عقدتك اسم الله عليك وحواليك...أنت شكلك من عائلة برجوازية وكنت تلعب كرة مضرب وأنت يافع (حلوة يافع) وبعدين ظهرت موهبتك الفذة في كرة القدم...بس يا عيني ما قدرت تنسى كرة المضرب واللعب لوحدك ... الآن نجحت لأنك عرفت أنها كرة جماعية... أعجبني ذكاء تصريحك يوم تقول: ما تحسن مستواي هذا هو بس توهم يعطوني فرصة، وفعلا بقيت بنفس المستوى.. إذا بقي معك هذا التصاعد في هذا السن فالليقا الأوربية تريد مواهب وأنيستا وحتى دي ماريا ما بيعيشون للأبد!


سابعا:ياسر المسيليم أنت تعرف أن كلنا نحبك، ونحب إخلاصك وحرصك واستقامتك...بس ترى المعيوف تحسن مستواه، ومع احترامي له لو تحط الموضوع في راسك تنسينا الدعيع، ولو يحطوك رأس حربة وأنت معزّم بتصير هداف...أنا واثق في ترسانة موهبتك... لكن أبرزها وكثّف التمارين وأرفع مستوى التركيز الذهني.. وخانتك مضمونة وقتها حتى في المنتخب إلى أن تعتزل في الأربعين!


ثامنا:عماد الحوسني تدري يا عمدتنا وحبيبنا ليش دخل الهلال على الخط وحاول يفاوضك؟ أنا أقول لك: سمعوا ربع طاش يفكرون في استغلال موهبتك في التمثيل وهذا اللي يناسبهم! شوف يا الحبيب أنت نجم راقي رفيع، لكن أنزع من راسك فرة التمثيل وتذكر أن الصدق مع الله تعالى ثم مع النفس، وأخلاق الفرسان مثلك لا تقبل بالمبالغة في التمثيل...ابق نقيا كما كنت وكما أنت غالبا...وإذا مصرّ فمرة مرتين في الموسم مو في المباراة... وراجع الموسم وشوف كم كرت أخذته أو استحقيته... موهبتك كبيرة فتفرغ لها...وفالك الهداف.


تاسعا:معتز الموسى أنت تلعب بفكرك قبل قدمك في كثير من الأحيان... وهذا أمر رائع، لكن طوّر لياقتك وقدرتك على استخلاص الكرات... ولا تنس نفسك كثيرا في الأمام على حساب خانتك، وإذا حارسهم يعز عليك كثير وتبغى تسلم عليه فخلها بعد المباراة وعلى حساب أبو سعود بعد!


عاشرا:ياسر الفهمي تقف كلماتي عاجزة بس أحب أقول لك شيئين أيها الاستثنائي: الأول خذ عِبرة من تجربة الجيزاوي ولا تكرر نفس الأخطاء... الثاني ترى اللاعبين في الفريق الثاني ما يعضون حتى لو أشكالهم تخووووف التحم مع الخصم أكثر، وزد موهبتك في اللعب بدون كرة... وبعدين إيش اللي ما تغديت يوم مباراة الفيصلي جاي تلعب وإلا تتضامن مع الأشقاء في الصومال فرّج الله كربهم؟!



حادي عشر: حارسنا المتجدد المعيوف تطور مستواك أسعد كل أهلاوي، لكن ترى الحارس من يوم يدخل نفسه في التسديدات والخرابيط يضيع نفسه واسأل الحراس اللي مروا بانتكاسات ثم أعادوا اكتشاف أنفسهم مثل سعود السمار، والسلومي وغيرهم... أنت في الملعب في وظيفتك، فكن جنديا ومحترفا بمعنى الكلمة وبعد المبارة سدد كرات سدد فواتير اللي تبي!


ثاني عشر: قلوب الدفاع أنتم في قلوبنا والله يعينكم وبس.


ثالث عشر: طارق كيال مع كل احترامي للجميع أنت وخالد بن عبدالله دعامتا الأهلي اللتان يقف عليهما..


رابع عشر: كفاية اللي سبق، وسامحونا جميعا...