بليييز ساعدونـي .. ابي صور ازياء لهالستايل

السلام عليكم ..
شخباركم بنااااات ..
بصراحة يعجبني ذوقكم وستايلكم ... وقلت اكيد بتفهمون علي وبتساعدوني
انا ابي أفصل فستان .. المهم ان في ستايل عاجبني وايد وشفت بنات يلبسونه وابي له صورة عشان اوديه الخياط ..
الستايل هو الفساتين اللي جاية نافشة من الخصر بس مو وايد والقماش يكون مثل التافتة او اي قطعة واقفة شوي ..

شفت من فترة في عرس بنات لابسينه واعتقد مفصلين .. بس انا مابي اروح عند مصمم لان عندي مناسبة بسيطة ..

واذا عندكم صور لفساتين جديدة اللي يكون قماشها مثل التافتة وعليه حركات كبيرة شوية بليز حطوا لي ...واتمنى تكون الموديلات جديدة ..

وابي بعد صور لبلايز .. بس مب اي بلايز .. ابي اللي يكون فيها مثل الطبقات بافكار جديدة وحلوة .. والقماش اللي يكون مخروم مثل الدانتيل بس اثقل .. انا دورت في النت بس اللي شفته كله قديم ومكرر ..
القماش ممكن ادور والقى بس ابي الافكار بليز

انتظر مساعدتكم ... وانا تعمدت أسألكم لاني من فترة حضرت مناسبة عندنا وشفت بنات كويتيات ازياءهم جديدة وحلوة ...

ويعطيكم العافية :eh_s(7):