شعر عزي لعبدالله عقب موت سلطان ... وعزي لعينه عقب ما راح نايف

يالله عساها جنة الخلد مثواك
ويالله عسى قبرك وسيع اللحودي

ويالله عسى من هو فرح يوم فرقاك
يصلى جهنم من لظاها يزودي

انا اشهد انك فارسٍ لو فقدناك
ياشوكةٍ غصت بحلق الحسودي

اللي يحبك يطلب الله لمنجاك
واللي يسبك اعلم انه جحودي

شفت الوجع في وجه من يطلب حماك
وشفت المصيبه في عيون الجنودي

وشفت الالم بارضٍ تمخطر بممشاك
وشفت القهر في بحر ماله حدودي

شفت الحزن في وجه طفلٍ تمناك
وشفت الغضب في كف صحرا تلودي

وشفت الضجر في واديٍ عاشق خطاك
وشفت الزعل ساكن جميع الحدودي

حنا على دربك ونحيا بطرياك
وحنا على فعلك ثبوت شهودي

ونمشي على نهجك ونفعل سواياك
ونكسر خشومٍ ما تصون العهودي

نجدٍ يتيمه شيخها ما هو هناك
تبكي ذراها راح ماله وجودي

ياسيدي نايف عسى الروح تفداك
يافخرنا يا تاج راس السعودي

اكبر خساره يوم قالوا فقدناك
ومن لا على نايف ترحم يهودي