لاتقولين حامل ومالي خلق تنظيف الشقه ، طريقتي في تنظيف وتعطير شقتي وااااااو

صباااااااااكم وروود ��������


طبعاً من أكون فاظيه أدش على طول أنزل موضوع أفيد وأستفيد لاكن والله هالأيام مشغوووله حيل بس الله يعلم شكثر أحبكم وأحب أفيدكم بكل شي عندي مجرب ومظمون ونتايجه حلووووه ...


بنات أنا ألاحظ الغلبكم مع الحمل تقول أنا يالله بعمري وكريشتي ماعندي وقت أنظف وأعطر شقتي يالله بس اغسل الملابس والمواعين والبيت يكون مرتب ؟؟؟!!

انتي بعيونج هذي النظافه الي انتي ترتاحين فيها والي تجذب زوجج ؟؟؟

ادري مع الحمل والثقل ماتقدرين وتعبانه والم الظهر بروحه قصه :( والله ادري

بقولكم طريقتي في تنظيف شقتي بعدين تعطيرها ....


اروح المطبخ أمسح كل شي فيه بفوطه فيها ماي وديتول الارف وبيبان الكبت ومرايت الفرن ، واشيل عيون الجوله وانقعها بماي وصابون فيري والحدايد مالتها بعد وأمسح الحوض بـ سائل جف المنظف والمبيض . هذا يخلي الحوض يلللق يلمع جنه جديد ، أمسح المايكرويف من فوق والجنوب عدل والي حواليه*

الحين أخذ فوطه فيها ماي وفوطه ثانيه فيها ديتول وكرسي صغير ، أقعد جدام الثلاجه اي شي منتهي او معفن وخربان أقطه وأطلع كل الي بالثلاجه أمسح بفوطة الماي وبعدين فوطة الديتول وارتب الاغراض بالثلاجه ، طبعاً وانتي تشتغلين شوي شوي ترا مو هوشه بسرعه بسرعه بسرعه كل شي سويه بالراحه عشان ماتتعبين

الحين خلصنا من المطبخ

روحي الحمام عزكم الله (( اهم مكان بالشقه كلها ))

أنا حمامي شور بوكس وفي بزواياه من داخل ارفف زجاجيه انزل كل الي عليها وأغسله بماي واسفنج مواعين فيها صابون اغسله عدل بالماي وارد كل شي مكانه ، اطلع من البوكس وأغسله كله من برا بالاسفنجه الي فيها صابون وبعدين برشاش الماي اغسل البوكس ، امسح مراية الحمام عزكم الله بفوطه مخصصه للزجاج والرف الي جدامها مع الحوض ، وأجيب هاربيك بلو هذا سائل للمرحاض وأحط منه داخل المرحاض واخليه ، الحين أجيب داك منظف الحمامات واكت منه ع الارضيه وافرك عدل بالمخمه لين أشوفها تلق ، بعدين أغسلها بماي وأغسل المرحاض عدل واحط داخله قرص من اقراص مستر ماصل واسكره وأمسح الماي بالمساحه وأشغل شمعة الفانيليا واطلع ..

خلصنا من الحمام*

روحي غرفة نومج رتبيها وعدليها وبدلي الفراش حطي واحد ثاني ( طبعاً انا عندي 3 ديباجات ابدل فيهم ) كل ماتوسخ واحد اشيله واحط غيره ، روحي للتسريحه حطي صماط ع الارض ونزلي كل الي عليها ومسحي الزجاج والمرايه واقعدي ع الارض يم عطوراتج وخرابيطج الحلوه ومسحيها كلها وردي صفيها مره ثانيه وغيري طريقة الترتيب كـ كسر للروتين اليومي ، نفس الشي الكمدينات نزلي الابجورات ومسحي وردي حطيهم ..

خلصتي من الغرفه

روحي الصاله رتبيها ومسحي كل الي فيها الطاولات التلفزيون اذا في لوح فنيه نظفيها بالريشه ومسحي كل شي (( الطاولات والارفف بفوطه فيها ديتول )) ..

الحين فوطه فيها ديتول وماي ، فري على بيبان شقتج مسحي اليدات ونظفيها من الوسخ والبكتيريا عدل ..

والحييييييييين

جيبي صطل الماي الي تمسحين فيه الشقه ، اول شي مسحي ارضيات الشقه كلها بماي فيه شوي (( داك )) ، ولاخلصتي ونشف ارتحتي شوي ردي حطي ماي جديد فيه ديتول ومسحي الشقه مره ثانيه عددددل ..

الحين استراحه روحي انسدحي على ظهرج شوي ....


بقولكم شغله هالترتيب والتنظيف يوم واحد بالأسبوع باجي الايام الترتيب العادي




***



خلصت استراحتج حبيبتي يالله شغل :)


الحين وقت التعطير

والله مرت حماي تسألني تقول مرات اكون طالعه من شقتي نازله الدرج اشم ريحتة شقتج ، اروح بيت اهلي ارد هي نفسها الريحه ماتغيرت ماشاءالله لا اله الا الله

الحين شنو تحتاجين للتعطير ...


لحلظه قبل أقولكم


والله العظيم والله العظيم ريحت كبتي من اليوم الي اهلي جابوا فيه تجهيزي لين اليوم ماتغيرت للعلم لي 9 شهور متزوجه ماشاءالله كل مابطلت الكبت شميتها تبارك الرحمن ، انا الي كنت مزهبه الرشوش لأمي ومخلطته ومزهبه العود وقلتلها شلون تعطر ومن يوها الريحه ماتغيرت والله يابنات

الخلطه شنو هي

عطر أكوا من الرصاصي تعرفونه اكييد*

تجيبينه وتجيبين دهن عود اي دهن عود عندج انا احط دهن عود كمبودي من القرشي وتحطينه داخل عطر اكوا تكتينه كله ، الحين جيبي رشوش جواهر من (( أم نوره )) *ريحته حلوه وتهببببل وحطي منه شوي داخل عطر اكوا وارجه عدل عدل وارش الكبتات كلها من داخل والارفف وارش ع الفراش والزوليه الي بنص الغرفه وزوايه الغرفه كلها والبرده

أجيب فحمه وأحط عليها معمول المعاريس من امل الكويت واحطه بغرفة نومي ومع البخور هم بعد ارشرش بالغرفه واشغل الفواحه واطلع واصك الباب عشان تثبت الريحه


واااااي تعبت والله

اذا شفت تشجيع بكمل