خواتي ساعدوني بموت من الهم انا طالبه منكم نصيحه

السلام عليكم بدخل بالموضوع على طول ومن غير مقدما اني والله العضيم وربي يشهد فوقي قلبي محرووووق ما عاد فيني حيل
انا عندي خوات ثنتين وحده كبيره حيل وبنتها اسم الله عروس قاعدين انجهزها والثانيه بنص الثلاثينات مو متزوجه انا ريلي مسافر دوره وانا قاعده الحين عند اهلي لانه والده ناقص والياهل حيل صغير ما اعرفله عدل المهم اختي الوصطيه تصلي وتصوم ورايحه الحج وما اتحط مكياج ولا شي كلش بس تطلع وايد وموظفه واغلب طلعاتها ما تاخذ احد معاها فيها غيره فيها حسد فيها حقد يعني عادي اتربط عصاعص بيني وبين امي او بين اختي الكبيره وامي والكل يمشي بطوعها فالبيت وعندهم اهي التوب وما بعدها بعد المهم احنا الحين انجهز حق بنت اختي اسم الله عليها عروس هذيج المره مرتني اختي الكبيره عشان نقضي جم شغله حق العرس الله يتمم على خير ان شاء الله ركبت السياره ولا اختي تقولي بقولج شي بس بيني وبينج قبل لا اقول السالفه اختي الوصطيه وايد علاقتها قويه مع اخوي الصغير وطلباته اوامر وحتى اذا غثها ويت تتحجى علي جدامنا تقول لا تقولوله اني قلت هالحجي المهم قالت لي اختي الكبيره جان اتقول فلان قالي سالفه قالي هدت حيلي وتعبتني حيل قالت انه قالها انه اختي الوصطيه اول شي تعرفت على ام رفيجه وماشتها وقامت تنام معاها ويسون اشياء مو زينه يعني مثل الريال مره بس اثنينهم حريم والمره هذي ولدها بعد يروح مع الحريم بفلوس ونفس الشي مع امه بعد وكانت اختي تاخذ من فلوس ابوي والفلوس الي عندها مع العلم انه كل فلوس العيله عندها وبأسمها مثل ما قلتلكم اهي كي شي فالبيت يعني حتى فلوس اخواني الصبيان الكبار عندها المهم بعدين قامت هذي المره تذلها وتبتزها وايد فزهقت منها وهدتها وراحت تعرفت على وحده ثانيه ونفس الشي وكل ما اتي تطلع تتحجج بالدوام انها اتداوم العصربعد او انها طالعه او اي عذر ثاني ويوم قالت اختي حق اخوي الصغير ليش ساكت عنها يقول اهي تقول انها صارت كبيره وما تزوجت وتشتهي شنو اتسوي يعني ويم قالت له بعد ليش ساكت عنها وانت تدري عنها قال انا لو اقول محد راح يصدق واهي موظفه وقويه واي احد يكلمها بتهد البيت وتسكن بروحها وتفضحنا امااااااانه بنات شورو علي الله يخليكم الله لا يوريكم الي انا في بموووووت نصي مصدق والنص الثاني يقول اخوي جذاب ويبي يفلم قسمال بالله كاسره خاطري امي المسكينه الي عندها اختي الوصطيه توب والله العضيم عازه ومو عارفه شلون اتصرف ولي يعافيكم شورو علي طالبتكم