الدراسه والزواج ، محتاره ساعدوني

السلام عليكم ورحمة الله وبركاته

حبيت اخذ رايكم بموضوعي , خصوصًا إني حاسه نفسي تايهه ومو عارفه استشير منو*

أنا بنت تخرّجت العام والحين عمري 18 ، أدرس طب بشري وباقي لي 6 سنين على اعتبار ان السنة اللي طافت ما يحسبونها ضمن السنولت ومع بداية هالسنة بكون أول سنة طب
عندي مشاكل اجتماعيه وايد بالبيت ، والوضع في البيت مو مريح أبدًا خصوصا إن أحنا 7 اخوان وخوات وعايشين مع الوالده وعلاقتي بأمي مو حلوه ، أنا ملتزمه والوالده لا وبصراحه ماعندنا مواضيع مشتركه ولا أحب أتكلم بالمواضيع اللي تتكلم فيها وعشان جذي أنا أقضي أغلب وقتي بغرفتي وما أطلع إلا للغدا ..
أنا متفوقه وأدرس وايد وطموحه ودايما أفكر بمستقبلي وأفكر ان شهادتي الشي الوحيد اللي بينقذني من بيتنا وبيخليني اشتغل واصرف على نفسي وما احتاج احد ، لاني محرومه من ابسط الاشياء في بيتنا والصراحه الحياة صارت مستحيلة في بيتنا وكل واحد يفكر شلون يطلع من البيت

تقدّم لي رفيج اخوي عمره تقريبا 24 عنده بكالوريس والحين يدرس عشان ياخذ الماستر ، واخوي يقولي والله كنت في قيام الليل ادعي ان هالانسان يصير من نصيبج وفرحت وايد يوم تكلم وقال يبيج
أخوي وايد يمدحه ويقول اهو رفيجي و والله احاول القى فيه عيب واحد ما حصلت يقول عمري ما شفت شاب مثله ، ديّن وحبوب ومنفتح وطموح وشغله زين وطيب ومن الملتزمين اللي اسلوبهم حلو ، يقول دايما يبتسم والكل يمدح فيه ويحبه
وقال له اخوي ان ترى اختي بتصير دكتوره ودراستها صعبه واهي صغيره وباجر يتصلون عليها بليل يبونها الدوام*
وقاله عادي وانا متفهم وانا اقدر ان البنت طموحه وما بحرمها من شي واذا عشان الدراسه مو مشكله انا مستعد اطوّل بالملچه حتى لو تبونها سنتين اصبر جم سنه وبعدين ارتاح العمر كله*
ويقول مستعد باللي تامرون فيه بس لأن الوالده قالت لي عن بنات وايد بس انا استخرت ربي ومرتاح لبنتكم ومو محتاج اسأل عنكم احد دام استخرت رب العالمين

الريال مافيه شي وأحس أن ما بحصل أحد مثله دين واخلاق وعقل منفتح وطيب وشاريني مسكين ناطر 6 شهور لأن بيتنا قالو له انطر مانبي نكلمها الا بالصيف
بس مشكلتي الدراسه احس ما بقدر أوفق بين الاثنين خصوصا وإني من النوع اللي وايد ادرس ، ولما فكرنا فيها وقلت نملچ بعد سنة يعني بعد ماخلص اول سنة ، ونخليها سنتين يعني بعد ماخلص ثالث سنة ، بس جذي بعد فيها 3 سنين دراسه
يعني مادري شلون بكون عروس وقلبي عالدراسه وبحرمه من العيال 3 سنين مع انه متفهم بس مادري
مو عارفه شلون الحياة بتصير بالدراسه والزواج
أنا صليت استخاره بس ماحسيت بشي ، للحين محتاره ، لما أفكر إني بوافق أحس لويه وضغط واشياء وايد لازم اسويها ومسئوليه
ولما أفكر إني أرفض أحس بتحسف وايد وما بحصل مثله

عدوني مثل أختكم وعطوني رايكم ، محتاره وقاعده أماطل لأني مو عارفه أعطيهم رد
*