<div>السلام عليكم ورحمة الله وبركاته
سبحان من قسم الارزاق هذا غني وهذا فقير وسبحان من يعطي الملك من يشاء وينزع الملك ممن يشاء
كنت أتصفح المواقع ووجدت هذي القصيده وسبحان الله كل أبياتها تدور عن مايجدث في منتدانا وحبيت تشاطروني الرأي فيها
والقصيده ليس مقصود فيها احد ولكن تذكرت أبن داخل والسب اللي جاه وتذكرت عيد الجهني ووقفاته مع النادي
المهم أعطوني رايكم وهل أنا أصبت في جلبها للمنتدى أو أخطيت
يا جاهـل ٍمـر الزمـان وحلاتـه
خذ هاك عقلي ما نفعنـي ولا بيـه
في الطِيب
يرحمك يا عود ٍحفظ لـك وصاتـه
يبيـك تتبـع ساقتـه مـا تخليـه
علمك سيئـات الزمـن وإحسناتـه
يامرك بالمعـروف ليتـك تماشيـه
الله وهبنا ديـن وأحسـن صفاتـه
وأنزل لنا التشريع واجزل معانيـه
الحـق والباطـل عرفنـا جهاتـه
وما يزرع المخلوق له يوم يجنيـه
أحد ٍله الدنيا على الكيـف جاتـه
الله عطـاه شـيٍ بأيـاديـه
ما ذاق لوعـات الزمـان وشقاتـه
الفقر والتجويـع يسمـع بطاريـه
وأحد ٍيـدور فـي زمانـه نجاتـه
يبي الستر والعافيـه بيـن أهاليـه
عزيـز نفـس ولا يبـدّل عبـاتـه
راضي ويدري عيشته مـا تكفّيـه
وأحد ٍأبـد ماخـذ طبايـع خواتـه
ضعيف رآي وكلمتـه مـا تقديـه
وأحد ٍلبس ثوب المراجـل بذاتـه
وا سِعد عين اللي من الضيق ناصيه
وأحد ٍصميـدع يرهبـك بإلتفاتـه
حرٍ مطالعيه عـن النـاس تغنيـه
وأحد ٍيضيع صيدته مـن عماتـه
لا واخساره مـن ترجّـى يعشيـه
وأحد ٍزرع ما نال غيـر الحتاتـه
الحظ كنـه واقـف ٍلـه معاديـه
وأحد ٍقطف ورد الزمـن وإثمراتـه
باب البخت مفتـوح دايـم يناديـه
وأحد ٍتساوى في حياته مماتـه
وأحد ٍيموت وطيّب الذكر يحييه
الوقت لو يومـي عليـك بعصاتـه
ما هي غريبه منـه هـذي مماشيـه
يا بوي هات اللي يجي منـك هاتـه
راضيـن باللـي ما تكنـه وتخفيـه
