تحبون طعم البيناكولادا؟ دشوا...

بنات تبون شي سريع و حلو؟

شوفوا .. هالحلو سهل بس يبيلكم أول تجمعون كافة المقادير و بعدين تبدون العمل أوكي؟

ييبو كيكة فانيللا ساراكيك و قسموها ثلاث طبقات

وزعي عصير عنب أو تفاح أو ليمون على راحتكم على الجهات المقصوصة بالفرشاة أفضل لأننا ما نبيها تتبلل وايد اللهم بس تطرى شوي و حطي الطبقة السفلية في قالب شبيه شكل الكعكة تعرفونه اسمه لوف بان


loaf pan

بس يكون القالب مبطن بورق شفاف و أطرافه طالعة لبرة علشان بعدين راح نلف الكيكة و نحطها بالفريزر

ألحين اخفقي 6 ملاعق طعام كريمة سائلة مع ملعقة طعام سكر علشان تحضرين الكريمة

بعدين اخلطي نص كوب أناناس مقطع و مهروس شوي (ممكن تهرسينه بالأصابع مع شوية شكر لأننا ما نبيه مهروس حيل و خلي العصير ينزل بطاسته ) اخلطيه بملعقة طعام عصير عنب أو تفاح و نزليه على الكريمة و خلطيهم مع بعض

ألحين ييبي آيسكريم فانيللا مخليته شوي بجو المطبخ علشان يسهل عليج توزيعه على وجه الطبقة السفلية اللي بالقالب أوكي؟

وزعي البرد و حطي عليه طبقة الكيك الثانية و نزلي عليه خليط الكريمة بالأناناس و حطي الطبقة الأخيرة على التوب و لفي الكعكة بورق البلاستيك الشفاف و حطيها بالفريزر ساعتين أو يومين أفضل

و عند التقديم خلي القالب برة بجو المطبخ ربع ساعة بعدين قطعي سلايسز سمك إنش بسكينة ساخنة (خلي يمج قلاص ماي حار أو مرري السكين على شعلة الغاز) و حطي كل سلايس بطبق و رشي عليه جوز هند طازج مبشور

بنات هالكيكة حلوة و إسمها على إسم عصير بيناكولادا اللي يكون على جوز هند بالأناناس

جربوها و عطوني رايكم

ممكن تقديمنها بقلاصات بعد

قطعي الكعك قطع متوسطة

رشي عليه شوية عصير

وزعي عليه الآيسكريم و غطيه بقطع كيك

رشي شوية عصير و حضري الكريمة و وزعيها (مو كلها) و تالي حطي قطع كيك و رشي عصير و حطي كريمة و نثري جوز هند على التوب و قدميها فالحال

أنا دايما أحضرها بقلاصات الكل يحبها بهالشكل أكثر من كونها مقطعة سلايسز و باردة حدها

و أنا قلاصي أحط عليه شراب الفراولة و جوز مقطع

و أوعدكم بصور هالحلو في موضوع ثاني مماثل إن شاء الله