[ مشكلتي مع زوجي......... ما توقعت اني اعرض مشكلتي هني ]
مسا الخير متزوجات...... كنت وايد اشارك في هذا القسم واساعد مع اني كنت مو متزوجة
ويا اليوم الي اطرح فيه مشكلتي هههههه صج الزمن يدور :eh_s(7):
بنات انا عندي مشكلة مع ريلي وابي آرائكم......
تزوجت في شهر 1 سنة 2012
خلوني أقولكم صفات ريلي الايجابية///
طيب ، يوجب الناس، يحبني ويموت فيني ويتنفس هواي، مو بخيل، مايرضى أحد يهيينيي
=======
الي مضايقني بريلي شغلات وايد بقولها على نقاط علشان ما انسى شي:
* ريلي دايم لازق فيني بنات انا جذي أمل منه. أوكي أحبه وأموت فيه بس ماحب جذي 24 ساعة حاط ويهه بويهي..... ولما قعدت وياه وناقشته يقولي أنا ما امل منج وانتي ما تحبيني..... أقوله روح مع ربعك اطلع أبي أحس ان عندك ربع ابي اسأل عنك.... يقول انا ماعندي ربع بس زمالة انا أبيج أنتي..... بنات شسوي؟ ابي اشتاقله واتشوق لما يدخل علي البيت أحس اني مو شايفته من زمان..... يعني طلعاته كل معاي ونادر ما يطلع مع ربعه.... يعني تهقون بعدين راح يمل؟
* شكاك وااايد، اهو مخربط قبل الزواج لين قال آمين. وأنا شلته من طريج الحرام، علشان جذي يقولي انتي صعبة وانا احب الصعب وكل ما تكونين صعبة وغامضة انا اتعلق فيج أكثر. هذا على كلامه. يعني بنات اهو على أقل شي يصارحني. وحاليا عنده 2 أيفون أي مسج أو اي تلفون يوصله أو احد يدزله او مثلا ما كنت يمه يقولي بس يشوفني: ترا دق علي فلان وترا فلان دزلي وتس اب ومادري منو يدزلي مسج.. حتى من كثر ما اهو صريح ولا مرة فكرت انبش من وراه كلش... لانه مايعرفه يجذب واعرفه لين جذب... يعني كلش ما يخش شي علي. بس يشكك فيني اهو يقولي انا معطيج الأمان روحي وتعالي " وواثق فيج " بس أنا شكاك أخاف تلعبين وراي. انتي بإيدج تغيرين هالشي فيني... حلفتله على القرآن اني ما ألعب من وراه وقلتله راح اساعدك فيه.....
* بنات اهو يدخن.. وانا عادي ماعندي مشكلة خل يدخن بس بنات مرات لما يصير بينا بوس ماحب ريحة الدخان بريجه مادري شلون كأني بالعة زقارة..... مرات لما اركب وياه السيارة ملابسي كلها تصير ريحة دخان وااااي العطر كله يروح... بس احسن شي لما اقوله قط الزقارة يقطها من الشباك بدون ما يجادل...........
* وايد يحب يطلع. كل شوي يقولي خل نروح مني وخل نروح مني... ومرات جذي يطلعني بو 10 دقايق ندور بالسيارة ونشرب عصير ويرجعني البيت... اوكي حلو وانا احب جذي وااااايد بس عاد مو كل يوم... بنات انا شوي بيتوتية ابي اقرا قصص ابي اشوف تلفزيون ابي أعيش بمملكتي... مو 24 طالعة..... لما ا تناقش معاه بهالشغلة يزعل...... ابي اطلع معاه بس مو كل يوم ابي أقعد بالبيت اسوي عناية بنفسي....
* ههههههه بنات ابي شوي يطنشني علشان أنا أركض وراه ادري بتقولون ماعندج سالفة.. بس احسه معطيني ويه وااايد... ابي يزعل ويمد البوز علشان اراضيه ابيه انا الي أحن عليه واركض وراه واتراجاه يطلعني..... بس بنات شرايكم شنو تقترحون..... اهو احسن شي فيه من أقوله شي يسوي... بس ماحب انه لازق فيني ابي احس بمتنفس شوي...
احنا ما ينعرف لنا.... لي عصب ورفض يطلعنا ماعجبنا... ولي طلعنا وصار نفس مانبي هم مايعجنا... وهذي الكويت صل على النبي:eh_s(22)::bbbiu:
بانتظاركم بنات
