ترنيمة محب في شاعر آل سعود مشفوعة بالاعتذار لصعوبة المهمة !
[poem=font="Tahoma,4,white,normal,normal" bkcolor="transparent" bkimage="backgrounds/38.gif" border="none,4,gray" type=1 line=0 align=center use=ex num="0,black"]
يوم قلت (السامر) الشعر 000قال إرفق علي = بالهدا مالي على الوصف للمجد اقتدار
قلت تكفى ياقصيدي ابي لو هو شوي = من سجايا سامر الشعركسّاب الفخار
أبو راشد في سما العز كالنجم الجلي = سيّدٍ من ظهر سيّد من فحولٍ حْرار
أدري ان الشعر ماهو ببو راشد قوي = لو يغوص ببحر مجده ولاحوله قرار !!
(شاعر آل سعود) ماجت من شيٍّ خلي = اللقب ياما تمنّاه شعّارٍ كبار !!
الفهد سمّاه ماهو كلام الجهّلِ = والفهد لاقال قوله غدا مثل الشعار
كم من الألقاب راحت كلامٍ أشكلي = لإنّها جت من صغيرٍ وسمعوها صغار !!
كم وكم شاعر بنوا له مكان معتلي = مادروا إن القمم نوب تاليها دمار
واتركوه وجابه السيل صخرٍ من علي = والكذِب قالوا حباله هزيلاتٍ قصار !
الشعر والسامر اخوان مرضعهم مِلي = صادقينٍ مع بَعَضْهُمْ مثل شمس النهار
يابو راشد فيك شعري تزّين بالحلي = روضة أشعاري تفرعن بها حلو الخضار
كفك أندى من سحابٍ غزيرٍ أهطلي = يروي القيعان لو هي صحاصيحٍ قفار !!
فيك من وجه الطفولة ربيعٍ مخملي = وفيك من بأس الرجولة مثل لون السمار
وفي حروفك عزفْ يشبه صفير البلبلِ = ومنك يلقى التايه الدرب لو طال المسار
لازبنك الضايق اللي جروحه تغتلي = أشهد إنه عيّن العز من عقب انكسار
وإن طرق بابك كسيفٍ عليلٍ مبتلي = عاد للدنيا وهو كان في حال انهيار
سيدي هذي حقايق أبد ماتنطلي = ماتخفّيها الدسايس ولا حجب الستار
تجربة شعرك دروسٍ لزومٍ تنتلي= من بَحَرها ينهل النشء حكمة واعتبار
هذا من بعض الخواطر رسمها وايلي = ابتداها بالمحبه ويختمها اعتذار !!
شعر \ حمدان بن سالم العنزي – عرعر -[/poem]
