حلمت انه زوجي بشقه ويوم دقيت عليه قالي قاعد مع بنت روسيه ورجال حق شغل وصكر شكيت بالامر وما كنت مرتاحه دقيت مره ثانيها ولا مصكر جهازه قعدت ابجي لانه دريت للي بيصير وكلمت اخوي يشوف لي عنوانهم بس ما قدر اياست وقعدت لين طلع الصبح وطليت من الدريشه شفته اهو جاي وقاعد بالسياره يفرك خشمه جنا مثل مالوت المخدرات شكيت بأمره اهني بعد ودخل البيت عادي جنا مؤ مسوي شي ويكلمني ومد ايده جنا معاه أوراق وقالي هذا الشغل شفته باستهزاء قتله شنو الثمن ورحت وخليته بعد فتره دز لي رساله اقدر اكلمج واراضيج قلت له طاب خاطري منك خلاص ما اقعد مع واحد خاين وقعدت من النوم
ملاحظه : زوجي بالحلم جنا ما كان زوجي الحقيقي يختلف عنه بس للي اعرفه انه زوجي
شنو التفسير الله يعافيكم
