الله يخليكم لاتطنشوني

السلام عليكم ورحمه الله وبركاته
جزاكم الله الف خير على هالمنتدى الاكثر من روعه
بنات انا عندي مشكله وأبي خبرتكم ومساعدتكم الله يخليكم
انا حملت اول حمل لي بس للأسف أجهض بالشهر الخامس نزل كيس الماي وقعدت اسبوع بالمستشفى وبعدها نزلوا الجنين ولله الحمد
قعدت 6 اشهر وحملت بالثاني بس للأسف ماكتبله عمر ونزل بالشهر الثاني اخر الثاني ولله الحمد
وقعدت 10 اشهر والحين انا حامل وطبعا من بدايه الحمل وانا نفسيتي زفت خايفه وأفكر وبس وصرت أراجع بعياده خاصه
وفي بدايه الثاني نزل معاي شويه دم والدكتور قال بدايه إجهاض وخفت حيل وكرهت نفسي وصرفلي المثبتات والفوليك واستمرت فيهم وفي نص الثالث نزل معاي دم وايد ونزلت قطعه دم ورحت سويت سونار يقول كل شي تمام ورحت مستشفى الفروانيه والدكتور قال 50 ٪ يثبت و50٪ينزل وحاشني اكتئاب مؤ طبيعي بس ابكي وبس واستمريت على الإبر المثبتة مع الحبوب والحين انا بدايه الرابع وحدي خايفه واحس بعوار ومغص وكلمت الدكتور عطاني باسكوبان واستخدمه وكل مراجعه يقول كل شي تمام بس العوار ليش مايروح وغير هذا الافرازات وعطاني تحميله واحس أحسن بس ذبحني المغص
وانا عندي القولون ملتهب هل هذا العوار من القولون والله خايفه ومادري شسوي خايفه حيل من الشهر الخامس وفوق هذا الدكتور قالي وقفي الفوليك والمثبت وبعد حنتي قال بس كل اسبوع أخذي ابره لي بدايه الخامس
انا خايفه تعبت من الإجهاض وتعبت من التنظيفات والله أني ادعي واقرأ قران والحمد لله راضيه بالي كاتبه ربي لي بس الله يخليكم الي يجيها هالمغص وهالعوار تقولي والله يرزقكم علي قد نيتكم ساعدوني