شعر بين لهفة وبين شوق وبين تأنيب الضمير !!!

بين لهفه وبين خوف وبين تأنيب الضمير
*



بين لهفه وبين خوف وبين تأنيـب الضميـر
أتصـارع مـع خفـوق مايفكـر فـي سـواه
أن عذلتـه مايطـيـع وأتمـنـى يستخـيـر
لكن المقسوم واقـع مـا عـن القسمـة نجـاه
ياحبيب الروح فكر صار قلبـي لـك اسيـر
ارحـم القلـب المعنـى لاتحطـم مسـتـواه
مشكله وأن صرت قاضي والحكم عندك خطير
والمحامي مايدافع لـو صـدر حكـم القضـاه
لكن القاضـي المحنّـك بالشريعـة يستنيـر
وأنت في حكمك تجنّي جاهـل سلـوم الحيـاه
جاهل بالحب وأعمى صاير(ن) كنك ضريـر
لكن الموقف تطـور ونـارك احرقنـي سنـاه
لاتقـول أنـي احبـك لاتجامـل ياصغـيـر
المجامـل بالمحبـة يـوم والآخــر نـسـاه
لكن أنتي في خفوقي مالكـه وأنتـي وزيـر
ماتنسينـي الليالـي يابـعـد كــل البـنـاه
شوف حبي ياملاك مرسـل(ن) يمـك سفيـر
ياسفير الحـب عجّـل ليـن تجمعنـي معـاه
وانتشاور وانتباحـث حتـى باللـي مايصـر
ندرس الموضوع كامل ليـن نعـرف منتهـاه
وان عرفنا مابحلنا نعـرف الـدرب ونسيـر
دربنـا بالحـب واحـد ماتفرقـنـا الـوشـاه
وان حصل شي وزعلنا كلمة الحـق تستنيـر
كلمـة(ن) منّـك ومنّـي مانـحـدد مبـتـداه