ريفيو للفاونديشنز إلي استخدمهم بشكل يومي [ سلبيات و إيجابيات ] .. حياكم =) ♡
السلام علييكم :eh_s(8):
بدش بالموضوع:D
اليوم بعرضلكم 4 فاونديشنات استخدمتهم (كاستخدام يومي حق الجامعه او داوم او زواره )
و اقل واحد فيهم ظل معاي شهر ( عشان اتاكد إذا ناسبني )
و هم بطري الكونسيلرات و البودرات إلي استخدمهم .. يعني اساسيات الميكب ...
و مابي منك إلا انكم تدعون لي بالتوفيق و الله يرزقني الجنه انا وياكم .. جزاكم الله خخير :eh_s(7):
اول شي صوره جماعيه للكريمات :p
http://www3.0zz0.com/2012/06/12/07/197998873.jpg
من اليمين إلي اليسار :
بورجوا هيلثي مكس ،، لوريال ترو ماتچ ،، لوريال ( infallible brush ) ،، بوبي براون
اول شي > اساس برجواز ..
وايد إلي يمدحونه و صارلي شهر استخدمه .. و انا شاريته على اساس المدح إلي شفته من البنات
الإيجابيات :
عملي .. خفيف .. تقدرين تستخدمينه بدون بودره فوقه بس خليه ينشف و يرتاح على البشره .. سهل جدا جدا تمددينه على البشره ( سموووووث ) انا استخدمه مع فرشاة بودي شوب للفاونديشن .. روووعه تمدلي ياه عدل ..و درجاته حلووه ( مو على الابيض ) على الالوان الطبيعيه ( بيجي اصفر )
درجته إلي اخذتها قامجه على بشوي :( بالغلط / بس حبيته .. و ما سوى اختلاف وايد
السلبيات :
مايقعد طول اليومي .. على طول تمتصه البشره ( يعني إلي بشرتها جافه ما انصح فيه ) و انا بما ان بشرتي مختلطه في اماكن يخف فيها الفاونديشن و اماكن صامده :p
.. وايد ازعجتني هالنقطه بس ارد اعيد عليه ... السلبيه الثانيه إلي سمره حيل ما انصحها فيه ( يطلعها طبيعي بس على رمادي شوي ) بعض الاماكن الغامجه بويهي تصير رماديه مثل الهالات تحت عيني و جذي
.. ثالث سلبيه ... لازم الكونسيلر مالج حلو ... لان الكريم هذا ماينفع يغطي المنطقه إلي تحت العين نهائئئئئيا 3/>
....
إلحين كريم لوريال [ True match ]
مايصلح يومي ككككلش .. ثقيييييل وايد ..حلووو للمناسبات الرسميه
( يعني مانحتاج نتكلم عنه :p )
....
كريم لوريال إلي مع الفرشه
الإيجابيات :
هذا اثقل بشوي من بورجوا و يظل معاج .. نفس مميزات بورجوا ( يشبهون بعض )
السلبيات :
يطول اكثر من برجوا بس لازم البودره معاج .. بدون بودره يتقطع
....
كريم بوبي براون ( الكوبمباكت )
السائل ما استخدمته .. استخدمت الكريمي ..
طبعا هذا الفونديشن ادمنت عليه و كل ما يخلص اشتري لي يديد
يعني انصح فيه و بشده
إيجابياته :
ملمس ناعم .. يصفي .. الجوووووده مالته ( مايقارن بماركات الدرق ستور مثل بورجوا و ريميل و لوريال و ميبلين ... إلخ ) .. ممتاز و فل آوبشن ..
السلبيات :
بما اني استخدمت الكريمي .. فراح اتكلم عن سلبيات الكريمي بس .. لان السائل عند رفيجتي و ووووايد تمدحه .. لكن إلي عندي مشكلته اني احس بتدهنات عند الخشم بالذات (بشرتي مختلطه مثل ما ذكرت ) طبعا تطلع هذي المشكله بعد فتره مو اول ما احطه .. فافضل تاخذون السائل و ماراح تندمون عن تجربه :*
و هذي صورة بوبي براون الليكويد
http://www3.0zz0.com/2012/06/13/02/742960888.jpg
و صورتلكم الكريمات على إيدي عشان تشوفون درجتهم و قوامهم (بنفس ترتيب الصوره الجماعيه )
http://www3.0zz0.com/2012/06/13/03/433897802.jpg
هذي الفاونديشنات إلي استخدمتهم بشكل يومي .. ارشح لوريال ترو ماتچ كأسوء اساس استخدمته بشكل يومي ! و تركته للمناسبات من شهرين او اكثر .. و بوبي بروان كافضل اساس
الكونسيلرات و البودرات بنزل عنهم بعد شوي :)
