بين ايديكم طريقة اهتمامي بالعنايه ( الداخليه والخارجيه ) وبنظافة جسمي وريحته الفواحه

مساآء الورد كروشات

شخباركم ان شاءالله كلكم بخير

الله يهون وييسر ولادتكم والي ولدت الحمدلله على سلامتها ومبروك ماجابت ...

أول شي ، الحمدلله رب العالمين من تزوجت وزوجي يقولي دايماً ريحة جسمج حلوه حتى ملابسي الداخليه والله يابنات ريحتها لمن اقطها بالحمام تخلي الحمام يفوح ماشاءالله تبارك الله

ثاني شي حابه احط بين ايديكم طريقتي في اهتمامي بنفسي من جميع النواحي

( نظافه الجسم والمنطقه الحساسه )

طبعاً منكم الي على وجه ولاده وتبي تسنع عمرها وتعدل تعب 9 شهور وتقابل عمرها شوي بـ فترة نفاسها ومنكم الي ولله الحمد ولدت وحابه تهتم بنفسها أكثر وأكثر ومنكم الي توها حامل وتشتكي من الافرازات والحكه والألتهابات وحابه تعدل كلها هذا وانا ان شاءالله

راح اتكلم عن :*


1- مشاكل المهبل وطرق بسيطه لحلها
*( افرازات ، التهابات ، حكه ، روائح كريهه )

2- الخراب وطريقة علاجه ( الهوا ، التوسع )

3- الاهتمام وقت الدوره والنفاس

4-*الجسم والعنايه بنظافته


بسم الله نبدأ


بما ان الحامل ماتقدر تشرب اعشاب وادويه عشان الحكه والافرازات ووووو الخ

راح احط لها جدول بـ طريقه صحيه ومفيده خاصه بالحوامل وغير الحامل

أولاً الأفرازات والألتهابات والحكه والروائح البشعه

البعض منا تعاني من ألام في البول وحكه مصحوبه بأفرازات صفرا او رائحه كريهه هذا دليل على وجود التهابات والالتهابات سبب رئيسي لكل هالمشاكل وعشان تصلحينها :

1
عند كل دخول للحمام عزكم الله لازم تستخدمين غسول طبي وتنشفين المنطقه عدل بعد الشطف لان الرطوبه سبب البلاوي

2
تبدلين ملابسج الداخليه وتستخدمين فوط كير فري اليوميه

3
تجيبين زيت بيبي اويل ومسك الطهاره الاسود من عبد الصمد القرشي ، تحطين من المسك داخل علبة الزيت وترجينها عدل وتخلينها بالحمام عزكم الله ولمن تغسلين وتنشفين تدهنين المنطقه من جدام لي ورا وتحطين الفوطه ( كير فري ) وتلبسين ملابسج الداخليه*

((طبعاً لمن تستخدمين فوط كير فري اليوميه حطي فوقها بودره من بودرة فيمي فريش والبسيها عادي ، طبعاً بنات الفوط اليوميه تتبدل من مرتين لي ثلاث مرات باليوم))

( لمن تبدلين ملابسج الداخليه بتلاحظين الريحه موجوده بالملابس وقويه وحلوه )

4
يومين بالاسبوع تجيبين تب ( تشط ) وتحطين فيه ماي دافي وملح خشن وتقعدين فيه لين يبرد الماي ، يقتل البكتيريه المسببه للإلتهابات والحكه*

5
تجيبين من الحواج زهرة البابونج وتغلينها بماي وتصفينها وتاخذين الماي وتستخدمينه كـ شور مهبلي ، يقتل البكتيريه الضاره ويخلي ريحتج واااااو

6
شرب الماي بكثثثثثره يقلل من الالتهاب + شرب السوائل ايضاً يقلل من نسبة الالتهاب

7
(( الي مو حامل )) تحط زنجبيل مطحون على حليب حار وتشربه عادي اي وقت مو شرط وقت الدور ( الزنجبيل حار وقوي يشد الرحم )

الحين*

التوسع والهوا ، مع الحمل والولاده المتكرره يتوسع المهبل عندها وحتى الي ماحملت وولدت بسبب الاهمال وقت الدوره وعدم الاهتمام بها يكون فيها ( خراب )

ولعلاج هذي المشاكل

اولاً

تحتاجين طوووول فترة النفاس ، اول 4 ايام من الدوره

فلفل أبيـض مطحون
زنجبيـل مطحـــون

تخلطينهم وتحطينهم بعلبه

كل يوم ع الريج تحطين ملعقه صغيره ع كوب حليب حاااار وتشربينها وايضاً قبل النووم

فوائدها

تشد الرحم
تظيق المهبل وبطريقه ملحووووظه
تنشف الافرازات
تنظف الرحم وتنزل الدم المتجمد فيه

وانا نزلت موضوع خاص عن هالخلطه نصيحه الي تبي تشوف تنايج ترظيها تستخدمها وتستمر عليها

ثانياً

الحلبه .. في أول يومين في الدورة..والعشر الايام او العشرين الأولى فقط من فترة النفاس..

المهم الحين اهتمامج بنفسج وقت دورتج ونفاسج هو الي بيخلين تودعين كل هالمشاكل

اول شي طول فترة النفاس والدوره

تشربين شاي الاعشاب الي هو :

ميرميه
دارسين
كمون*
حبه سوداء
يانسون
قشر قهوه
نونخه
اعواد شيح

تغلينهم في ماي وتحلينهم وتشربينهم بعد الفطور وفترة العصر*

اهم شي خلطة الفلفل الابيض والزنجبيل بظل اذكركم فيها كل شوي لأنها سحرررر

وقت الدوره ماتتسبحين اول 3 ايام كلللللش لاتقولين وع ماقدر أرف خلي الدلع على صوب شوي ، غسلي وتنشفي عدل وتعطري وبدلي ملابسج بس اول 3 ايام

هذي خلطه تنننننننظف الرحم وتنزل كل الأوساخ الي فيه وتطهرج قبل تطلعين من نفاسج بوااااجد وحتى للدوره بعد*

*المقادير:
3حبات تمر قطعه وسط من الزنجبيل المبشور ملعقه صغيره من القرفه ملعقه صغيره حلبه ، قلاس ونص ماي


الطريقه:
*اغليها 10 دقائق واشربيها من اول يوم لمن تخلصين الدوره او النفاس ، والله في وحده ولدت بعمليه وكانت تشربها نزل الوسخ الي في بطنها وطهرت قبل طلعتها بوااااااجد

هذي خلطه اساخدمتها وحده تقول ، انا سقطت ومانزل كل الوسخ الي فيني وكنت احس بثقل في راحمي وعوار استخدمت هالخلطه والله نزل كل الي فيني ونظفت ولمن نزل كل الدم كنت احس بعوار مع حراره والحمدلله نظفت راحمي كله وللعلم كان فيني تكيس وكان حملي متأخر لمت استمريت عليها الحمدلله حملت

الخلطه

ملعقة حبه سوده
ملعقه قرفه
ملعقة يانسون
ملعقه كمون
ملعقة حلبه

طبعاً من كل صنف ملعقه صغيره مو كبيره

الطريقه

تغلين ماي ، وتحطين المقادير بـ قلاس وتحطين الماي الحار عليها وتغطين القلاس بـ صحن صغير وتشربين الخلطه ثاني يوم لمن تقعدين ، تستخدم اول 3 ايام من الدوره و اول 20 يوم من النفاس

(( ملاحظه هاااامه جداً ))

اي خلطه تستخدمينها اذا فيج هوا راح تطلعه كله وبتلاحظين هالشي وبتنزل منج الافرازات بطريقه ملحووووظه ، لان في بعض البنات تستخدم خلطات وتقول لا هديتها نزلت مني افرازات وطلع مني هوا ، لالامو زينه !!!!؟*

هاا حبيبتي من وين تبين الهوا يطلع والافرازات ، شلون تنظفج اجل ؟؟؟؟؟*


***


الحين نجي حق نظافة الجسم والاهتمام فيه واهم شي تكون ريحتج بكل مكان بالشقه


اذا شفت تشجيع بكمل حبيباتي